গুৱাহাটী,8 জুন: মহানগৰীৰ পল্টন বজাৰ আৰক্ষীয়ে সোমবাৰে তিনিটা ৰন্ধন গেছ (LPG) ৰ চিলিণ্ডাৰ (Cylinder) উদ্ধাৰ কৰাৰ লগতে এজন লোকক আটক কৰে ৷ আটকাধীন লোকজন ছয়গাঁৱৰ গৰুবজাৰৰ বিশ্বজিৎ বাচফৰ বুলি জানিব পৰা হৈছে ৷ আনহাতে আৰক্ষীয়ে উদ্ধাৰ কৰা চিলিণ্ডাৰ কেইটা মহানগৰীৰ বেতকুছিস্থিত জিনুজ্যোতি দেউৰী নামৰ লোকজনৰ বুলি জানিব পৰা হৈছে ৷
দেউৰীৰ অত্যাৱশ্যকীয় সামগ্ৰীৰ দোকানৰ পৰা 5 জুনৰ নিশা চোৰে ৰন্ধন গেছ (LPG) ৰ তিনিটা চিলিণ্ডাৰ চুৰি কৰিছিল ৷ জিনুজ্যোতি দেউৰীয়ে এই সন্দৰ্ভত স্থানীয় আৰক্ষী চকীত এখন এজাহাৰ দাখিল কৰিছিল ৷ আৰক্ষীয়ে লোকজনৰ এজাহাৰৰ ভিত্তিত অভিযান চলাই সোমবাৰে ৰন্ধন গেছ (LPG) ৰ চিলিণ্ডাৰসহ বিশ্বজিৎ বাচফৰক আটক কৰে ৷
লগতে পঢ়ক : নিয়তিৰ ওচৰত হাৰ মানিলে নিহাৰিকাৰ শহুৰেকে
