ৰাইজৰ দলে মুকলি কৰিলে ৪৪ পৃষ্ঠাযোৰা সংবিধান

ৰাজনৈতিক ভাৱে ফেডাৰেল,অৰ্থনৈতিকভাৱে আত্মনিৰ্ভৰশীল আৰু সামাজিকভাৱে সকলোকে সামৰি লোৱা আৰু মানসিকভাৱে বিজ্ঞানসন্মত অসম গঢ়াই ৰাইজৰ দলৰ একমাত্ৰ আৰু প্ৰধান উদ্দেশ্য ৷

গুৱাহাটী,17 অক্টোবৰঃ শনিবাৰে ৰাজহুৱা কৰিলে নতুনকৈ গঠন হোৱা আঞ্চলিক ৰাজনৈতিক দল ৰাইজৰ দলৰ পূৰ্ণাংগ খচৰা সংবিধান ৷ ৭০ টা জাতি-জনগোষ্ঠী সংগঠনৰ নেতৃত্বত গঠন হোৱা দলটোৰ ৪৪ পৃষ্ঠা যোৰা আৰু ২২ টা অনুচ্ছেদ যুক্ত সংবিধানখন ৰাজহুৱা কৰিলে দলটোৰ মুখ্য আহ্বায়ক ভাস্কো’ ডি শইকীয়া আৰু ৰুবুল দাসে ৷

ৰাইজৰ দলৰ খচৰা সংবিধান মুকলি কৰি মুখ্য আহ্বায়ক ভাস্কো’ ডি শইকীয়াৰ মন্তব্য কৰে যে-“ৰাজনৈতিক ভাৱে ফেডাৰেল,অৰ্থনৈতিকভাৱে আত্মনিৰ্ভৰশীল আৰু সামাজিকভাৱে সকলোকে সামৰি লোৱা আৰু মানসিকভাৱে বিজ্ঞানসন্মত অসম গঢ়াই ৰাইজৰ দলৰ একমাত্ৰ আৰু প্ৰধান উদ্দেশ্য ৷ শান্তিপূৰ্ণ,গণতান্ত্ৰিক আৰু সাংবিধানিক উপায়েৰে সাৰ্বভৌম ভাৰতবৰ্ষৰ ভিতৰতে শোষণমুক্ত সমাজবাদী ধৰ্মনিৰপেক্ষ গণতান্ত্ৰিক সমাজ গঢ়ি তুলি প্ৰতিটো থলুৱা জনজাতি-জনগোষ্ঠীলৈ সৰ্বোচ্চ স্বশাসন প্ৰদান কৰি গাঁৱলৈকে ক্ষমতা বিকেন্দ্ৰীকৰণৰ লক্ষ্যৰে অসমৰ প্ৰতিজন নাগৰিকৰ প্ৰতিভাৰ পূৰ্ণ বিকাশ হ’ব পৰা সমৃদ্ধিশালী অসম গঢ়ি তোলাই ৰাইজৰ দলৰ চূড়ান্ত লক্ষ্য ৷”

শনিবাৰে মহানগৰীৰ গৌৰী সদনত দলৰ সংবিধান মুকলি কৰি ভাস্কো’ ডি শইকীয়াৰ উল্লেখ কৰে যে,অসমক ভাৰতীয় সংবিধানৰ ৩৭১ ক অনুচ্ছেদৰ অন্তৰ্গত সাংবিধানিকভাৱে বিশেষ ৰাজ্যৰ মৰ্যাদাৰ স্বীকৃতি কাঢ়ি আনিবলৈ অংগিকাৰবদ্ধ ৰাইজৰ দল ৷

লগতে পঢ়কঃ অসম-মেঘালয় সীমান্ত পৰিদৰ্শন প্ৰাক্তন মন্ত্ৰী প্ৰণয় ৰাভাৰ