গুৱাহাটী, 25 ডিচেম্বৰ : বৃহস্পতিবাৰে ৰাতিপুৱাই মা কামাখ্যা মন্দিৰত উপস্থিত হয় কংগ্ৰেছৰ কেইবা গৰাকীও ৰাষ্ট্ৰীয় পৰ্যায়ৰ নেতা ৷ মা কামাখ্যাৰ আশিস ল'বলৈ কংগ্ৰেছ নেতা কেইগৰাকী উপস্থিত হয় মন্দিৰত । অসম প্ৰদেশ কংগ্ৰেছ কমিটীৰ সহঃ তত্বাৱধায়ক তথা নিখিল ভাৰত কংগ্ৰেছ কমিটীৰ সম্পাদক অনিৰুদ্ধ সিং, আদিত্য শৰ্মা, বিকাশ উপাধ্যায় আৰু পৃথ্বিৰাজ প্ৰভাকৰ সাথেই উপস্থিত হয় কামাখ্যা ধামত ।
ৰাজ্যবাসীৰ মংগল কামনাৰে দেৱীৰ চৰণত বিশেষ পূজা-অৰ্চনা আগবঢ়াই নেতা কেইগৰাকীয়ে । ইফালে মন্দিৰ দৰ্শন কৰা সময়চোৱাত কোনো ধৰণৰ ৰাজনৈতিক মন্তব্য প্ৰকাশ নকৰিলে নিখিল ভাৰত কংগ্ৰেছ কমিটীৰ নেতা কেইগৰাকীয়ে ৷ উল্লেখযোগ্য যে, ২০২১ৰ বিধানসভা নিৰ্বাচনৰ ৰণকৌশল প্ৰস্তুত কৰিবলৈ অসম ভ্ৰমণলৈ আহিছে এই চাৰিগৰাকী নিখিল ভাৰত কংগ্ৰেছ কমিটীৰ নেতা । ইতিমধ্যেই ৰাজ্যিক নেতৃত্বৰে কেইবা লানিও বৈঠকত মিলিত হৈছে নেতাসকলে ।
লগতে পঢ়ক: অসম জাতীয় পৰিষদৰ মুখ্য কাৰ্যালয়ত অনুষ্ঠিত যোগদান কাৰ্যসূচী
