গুৱাহাটী, 25 মাৰ্চঃ বুধবাৰে জনতা ভৱনত ৰাজ্য চৰকাৰৰ মুখ্য সচিব কুমাৰ সঞ্জয় কৃষ্ণ আৰু আৰক্ষী সঞ্চালক প্ৰধান ভাস্কৰ জ্যোতি মহন্তই এখন যুটীয়া সংবাদমেল সম্বোধন কৰে ৷ অসমৰ সাম্প্ৰতিক পৰিস্থিতিক লৈ এই সংবাদমেল সন্মোধন কৰা হয় ৷ সংবাদমেলযোগে লক ডাউনৰ সময়ত সকলোকে নিয়ম মানি চলিবলৈ আহ্বান জনাই মুখ্য সচিব গৰাকীয়ে ৷ নিয়ম মানি নচলা সকলৰ ওপৰত আইনী ব্যৱস্থা লোৱা হ'ব বুলিও জনায় সচিব গৰাকীয়ে ৷
বহিঃ ৰাজ্যৰ পৰা অহা লোকসকলৰ বাবে 14 দিনৰ ক্যুৱাৰাইন্টাইন আৰু খোৱাৰ ব্যৱস্থা কৰা হৈছে ৷ তাৰ বাবে যিমান খৰচ হয় সেইসমূহ অসম চৰকাৰৰ তৰফৰ পৰা কৰা হ'ব বুলি জনায় ৷ মুখ্য সচিব কুমাৰ সঞ্জয় কৃষ্ণই ৷
আৰক্ষী সঞ্চালক প্ৰধান ভাস্কৰ জ্যোতি মহন্তই এই সমবাদমেলযোগে জনায় যে, লক ডাউনৰ সময়ত এই নিয়ম উলংঘা কৰা সকলৰ বিৰুদ্ধে আৰক্ষী বহু সময়ত কঠোৰ হ'বলগীয়া হৈছে ৷ এই ক্ষেত্ৰত যাতে অসমৰ ৰাইজে তেওঁলোকক সহযোগিতা কৰে তাৰ বাবেও আহ্বান জনায় আৰক্ষী সঞ্চালক প্ৰধান গৰাকীয়ে ৷ কাৰণ যিখন আইনৰ অধীনত এই লক ডাউন জাৰি কৰা হৈছে সেই আইন প্ৰথমবাৰৰ বাবে প্ৰণয়ন কৰা হৈছে ৷
নিয়মীয়া বজাৰবোৰ পূৰ্বৰ দৰে ডাঙৰকৈ বহাৰ সলনি প্ৰতিখন দোকানৰ মাজত 100 মিটাৰ দূৰত্ব ৰখাৰ লগতে কেইখনমান দোকানহে দিব পাৰিব ৷ যিমান পাৰি বজাৰবোৰ সৰু কৰাৰ পৰামৰ্শ দিয়ে ভাস্কৰ জ্যোতি মহন্তই ৷
বস্তুৰ দাম যাতে বাঢ়িব নোৱাৰে তাৰ প্ৰতি ব্যৱস্থা লোৱা হ'ব ৷ লক ডাউন মানে সম্পূৰ্ণ লক ডাউন ৷ যিসকল বৰ্তমান সীমান্ত আহি পালে সেই সকলক ক্যুৱাৰাইন্টাইনৰ ব্যৱস্থা কৰা হৈছে আৰু যিসকল থাকি গ'ল তেওঁলোকক এতিয়া অনাৰ ব্যৱস্থা কৰিব নোৱাৰে ৷ তাৰ বিপৰীতে সেই ঠাইসমূহত থকা অসম ভৱনত তেওঁলোকক ৰখাৰ ব্যৱস্থা কৰা হ'ব ৷
লগতে পঢ়কঃ বিজেপিৰ লগত সহযোগিতা আগবঢ়াবলৈ সাজু কংগ্ৰেছ!
