গুৱাহাটী, ৩১ জানুৱাৰী : খাকী পোছাকত অন্তিমবাৰৰ বাবে পেৰেডত অংশ ল'লে আৰক্ষী সঞ্চালক প্ৰধান ভাস্কৰজ্যোতি মহন্তই (DGP Bhaskarjyoti Mahanta retired) । আৰক্ষী সঞ্চালক প্ৰধান হিচাপে তেওঁৰ আজি অন্তিমটো দিন । আজি তেওঁ অসম আৰক্ষীৰ দীঘলীয়া কৰ্মজীৱনৰ পৰা অৱসৰ গ্ৰহণ কৰিব । সেই উপলক্ষে মঙলবাৰে গুৱাহাটীৰ কাহিলিপাৰাস্থিত চতুৰ্থ অসম আৰক্ষী বাহিনীৰ মুখ্য কাৰ্যালয়ত তেওঁৰ বিদায়ী অনুষ্ঠানৰ আয়োজন কৰা হয় (DGP Bhaskarjyoti Mahanta farewell ceremony) ।
চতুৰ্থ অসম আৰক্ষী বাহিনীৰ মুখ্য কাৰ্যালয়ৰ পেৰেড গ্ৰাউণ্ডত (4th APBN parade ground) আয়োজন কৰা বিদায়ী পেৰেডত অংশগ্ৰহণ কৰি কিছু আবেগিক হৈ পৰে আৰক্ষী সঞ্চালক প্ৰধান ভাস্কৰজ্যোতি মহন্ত । আটকধুনীয়া বিদায়ী কুচকাবাজত অংশগ্ৰহণ কৰি বিদায়ী আৰক্ষী সঞ্চালক প্ৰধানগৰাকীয়ে আৰক্ষীৰ অভিবাদন গ্ৰহণ কৰে (DGP Bhaskarjyoti Mahanta farewell parade) । বিদায়ী পেৰেডৰ পাছতে আৰক্ষী সঞ্চালক প্ৰধান হিচাপে দিয়া অন্তিমটো ভাষণত ভাস্কৰজ্যোতি মহন্তই কয় যে চাকৰিত যোগদান কৰাৰ পাছত অৱসৰ গ্ৰহণ কৰাটো এটা নিয়ম । গতিকে ইয়াত আবেগৰ কথা নাই (Ceremonial Farewell Parade of DGP B J Mahanta) ।
অসম আৰক্ষী এটা চাকৰি নহয় বুলি উল্লেখ কৰি তেওঁ কয় যে আমি কেৱল চাকৰি কৰি থকা নাই । এই দায়িত্ব আৰু কৰ্তব্য চাকৰিৰ ওপৰত । অসম আৰক্ষীয়ে আমাক সেয়া কৰিবলৈ সুবিধা দিছে বুলি উল্লেখ কৰি তেওঁ কয় যে অসম আৰক্ষী কেৱল কিছুমান মানুহৰ সমষ্টি নহয় । অসম আৰক্ষী এটা দৰ্শন তথা জীৱনৰ এক গতি । অৱসৰ গ্ৰহণ কৰিলেও অসম আৰক্ষীৰ এটা অংশ হৈ থাকিব বুলি সদৰী কৰি তেওঁ আৰক্ষী সঞ্চালক প্ৰধান হিচাপে বিগত তিনিবছৰ সেৱা আগবঢ়োৱাৰ ক্ষেত্রত নিজকে ভাগ্যৱান বুলি কয় ।
অসম আৰক্ষীক লৈ দেখা সপোনৰ প্ৰসংগ উল্লেখ কৰি তেওঁ কয় যে হিমন্ত বিশ্ব শৰ্মাই মুখ্যমন্ত্রী (CM Himanta Biswa Sarma) হিচাপে দায়িত্ব লোৱাৰ পাছতে অসম আৰক্ষীত আমুল পৰিৱৰ্তন সম্ভৱ হৈছে । বিগত ডেৰটা বছৰত এটাৰ পাছত আনটোকৈ সপোন সাৰ্থক হোৱা বুলি তেওঁ ভাষণত উল্লেখ কৰে । তেওঁ অসম আৰক্ষী তেলেংগানাৰ দৰে ৰাজ্যৰ আৰক্ষীৰ দৰে শ্ৰেষ্ঠ আৰক্ষী হ'ব বুলি সদৰী কৰি কয় যে অসম আৰক্ষী সেই দিশে গৈ আছে । অসম আৰক্ষীৰ সঞ্চালক প্ৰধান হিচাপে তিনিবছৰীয়া কাৰ্যকালত যথেষ্ট সন্তুষ্ট বুলি মনৰ ভাব ব্যক্ত কৰি তেওঁ কয় যে তেওঁ তেওঁৰ কাৰ্যকালত সকলোৰে পৰা সহযোগ লাভ কৰিছে ।
ইয়াৰ বাবে তেওঁ সকলোকে কৃতজ্ঞতা জ্ঞাপন কৰে । তেওঁ সংবাদ মাধ্যমকো ধন্যবাদ জ্ঞাপন কৰে । অসম আৰক্ষী দেশৰ আন আৰক্ষীৰ তুলনাত কোনোগুণে কম নহয় বুলি উল্লেখ কৰি তেওঁ অসম আৰক্ষীয়ে সন্ত্রাসৰ বিৰুদ্ধে পালন কৰা ভূমিকাৰ কথা সদৰী কৰে । অসম আৰক্ষীৰ বাবে কৰিব থকা বাকীখিনি কাম নতুন আৰক্ষী সঞ্চালক প্ৰধান জি পি সিঙে আগুৱাই নিব বুলি তেওঁ ভাষণ প্ৰসংগত সদৰী কৰে । তেওঁ লগতে কয় যে অসম আৰক্ষীত কোনো লবী নাই তথা কোনো বেইমানী নাই ।
অনুষ্ঠানত নৱনিযুক্ত আৰক্ষী সঞ্চালক প্ৰধান জি পি সিঙে (new DGP of Assam GP Singh) কয় যে আজি এটা আবেগৰ দিন । ভাস্কৰজ্যোতি মহন্তৰ সৈতে থকা দীৰ্ঘদিনীয়া ঘনিষ্ঠ সম্পৰ্কৰ কথা উল্লেখ কৰি জি পি সিঙে কয় যে বিগত তিনিবছৰ তেওঁৰ নেতৃত্বত আইন-শৃংখলাৰ দায়িত্বত আছিলোঁ । আৰক্ষী সঞ্চালক প্ৰধান হিচাপে আগন্তুক পাঁচ বছৰ ভাস্কৰজ্যোতি মহন্তৰ পথ নিৰ্দেশনাত কাম কৰি যাব বুলি নৱনিযুক্ত আৰক্ষী সঞ্চালক প্ৰধানগৰাকীয়ে ভাষণ প্ৰসংগত প্ৰকাশ কৰে । অনুষ্ঠানত ভাস্কৰজ্যোতি মহন্তৰ পত্নী আৰু কন্যাৰ উপৰি অসম আৰক্ষীৰ ভালেসংখ্যক শীৰ্ষ বিষয়াও উপস্থিত থাকে ।
লগতে পঢ়ক :Farewell programme at Dhemaji Diet: ধেমাজি ডায়েটৰ জেষ্ঠ প্ৰবক্তা মুকুল দত্তক আবেগিক বিদায়
