গুৱাহাটী, 22 জুলাই: মঠঘৰীয়াত দিন দুপৰতে অঘটন ৷ শুকুৰবাৰে মঠঘৰীয়া ৰে'ল লাইনৰ সমীপত অগ্নিদগ্ধ অৱস্থাত এজন লোকৰ মৃতদেহ উদ্ধাৰ (Body found near railway track at Mathgharia)৷
ঘটনা অনুসৰি পুৱাৰ ভাগত বন্ধুৰ সৈতে দিন হাজিৰা কৰিবলৈ ঘৰৰ পৰা ওলাই গৈছিল অমল মিত্ৰ নামৰ লোকজন ৷ কিন্তু দুপৰীয়া প্ৰায় 1 বজাত ঘৰৰ সমীপৰ ৰে'ল লাইনৰ দাঁতিত অমলৰ মৃতদেহ পৰি থকা প্ৰতক্ষ কৰে তেওঁৰ পত্নীয়ে (Mathgharia murder case)৷ লগে লগে তেওঁ হুলস্থূল কৰাত ওচৰ চুবুৰীয়াৰ লোক আহি উপস্থিত হয় সেই স্থান ৷
স্থানীয় লোকে নুনমাটি আৰক্ষীক ঘটনা সন্দৰ্ভত অৱগত কৰাত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰে (Body rescued at Mathgharia)৷ স্থানীয় একাংশ লোকে উৎকট গৰমৰ বাবেই লোকজনৰ মৃত্যু হোৱা বুলি সন্দেহ প্ৰকাশ কৰে ৷ ইয়াৰ বিপৰীতে অমলৰ পৰিয়ালৰ লোকে গৰম পানী ঢালি কোনো লোকে অমলক হত্যা কৰা বুলি গুৰুতৰ অভিযোগ উত্থাপন কৰে ৷
আৰক্ষীয়ে মৃতদেহটো মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰে ৷ ইফালে ঘটনা সন্দৰ্ভত নুনমাটি আৰক্ষীয়ে এক গোচৰ ৰুজু কৰি তদন্ত আৰম্ভ কৰিছে ৷
লগতে পঢ়ক: Accident in Arunachal: অৰুণাচলৰ জিৰ’ পইণ্টৰ প্ৰায় দুশ ফুট তলত উদ্ধাৰ নগাঁৱৰ যুৱকৰ মৃতদেহ
