গুৱাহাটী, 4 ডিচেম্বৰ : ‘‘হাগ্ৰামাই নিজকে বিহাৰ লালু বুলি ভাৱে ৷ হাগ্ৰামাই উন্নয়নৰ নামত ক’ত টকা ব্যয় কৰিলে ৷ উন্নয়নৰ নামত কেৱল লুণ্ঠন চলাইছে ৷ ছয় জনগোষ্ঠীৰ জনজাতিকৰণৰ ক্ষেত্ৰত হাগ্ৰামাই বিৰোধিতা কৰিছিল ৷ হাগ্ৰামাৰ ৰঙা চকুলৈ ভয় কৰি চৰকাৰে জনজাতিকৰণ নকৰিলে’’ ৷ শুকুৰবাৰে দিছপুৰ প্ৰেছক্লাৱত সংবাদমেলযোগে এইদৰে বিস্ফোৰণ ঘটালে কোচ ৰাজবংশী জাতীয় মহাসভাৰ সম্পাদক বিশ্বজিৎ ৰায়ে ৷
মূলতঃ বি টি চি নিৰ্বাচনৰ প্ৰসংগক লৈ সম্বোধন কৰা সংবাদমেলত বিশ্বজিত ৰায়ে কয় যে, “ পোন্ধৰটা বছৰ ধৰি শাসকীয় বি পি এফে অজনজাতীয় লোকৰ কোনো ধৰণৰ সমস্যা সামাধান নকৰিলে ৷ কোচ ৰাজবংশী সকলো কথাই নস্যাৎ কৰিছিল বিপিএফে ৷ ৪০ সংসদীয় সমষ্টি ৩০ টা সমষ্টি জনজাতীয় লোকৰ বাবে বাকী দহটাহে অজনজাতীয় লোকৰ বাবে দিয়া হয় ৷ য’ত ১২ লাখ লোকহে বড়ো লোক আছে” ৷
ইফালে আগন্তুক বিটিচি নিৰ্বাচনৰ প্ৰসংগকলৈও মন্তব্য বিশ্বজিত ৰায়ৰ ৷ “নিৰ্বাচনক লৈ প্ৰতিটো দল সংগঠনৰ লগত আলোচনা হৈছে ৷ কোকৰাঝাৰৰ আৰু চিৰাঙৰ লোকসকল প্ৰটেক্টত আছে ৷ কোচ ৰাজবংশী মহাসভাই বিজেপিক ১৭ টা সমষ্টিত সমৰ্থন আগবঢ়াব ৷ ইউ পি পি এল দলৰ ৭ টা সমষ্টিটো সমৰ্থন জনাব কোচ ৰাজবংশী মহাসভাই ” ৷
লগতে পঢ়ক : ভোটাৰ আই ডিৰ শুধৰণি সন্দৰ্ভত কামৰূপ মহানগৰ জিলা উপায়ুক্তৰ গুৰুত্বপূৰ্ণ ঘোষণা
