গুৱাহাটী,17 অক্টোবৰঃ মহানগৰীৰ খানাপাৰাৰ পশু চিকিৎসা বিজ্ঞান মহাবিদ্যালয় খেলপথাৰত তিনিদিনীয়া কাৰ্যসূচীৰে আৰম্ভ হ'ল পক্ষী মেলা । ৰাজ্যখনত কণী আৰু মাংসৰ ক্ৰমবৰ্দ্ধিত চাহিদাৰ প্ৰতি লক্ষ্য ৰাখি উক্ত মেলাৰ আয়োজন কৰা হৈছে । অসম কৃষি বিশ্ববিদ্যালয় আৰু সদৌ অসম বাণিজ্যিক পক্ষীপালক আৰু ব্যৱসায়ী সন্থাৰ যৌথ উদ্যোগত ১৭ অক্টোবৰৰ পৰা ১৯ অক্টোবৰলৈ পশু চিকিৎসা বিজ্ঞান মহাবিদ্যালয় খেলপথাৰত তিনিদিনীয়াকৈ বাণিজ্যিক পক্ষী মেলা খন আয়োজন কৰা হৈছে । এই মেলাত ভাৰতৰ বিভিন্ন ঠাইৰ কোম্পানী, গৱেষক, উদ্যোগী আৰু প্ৰগতিশীল হাঁহ কুকুৰা পালকে ব্যৱহাৰ কৰিবলৈ লোৱা যন্ত্ৰ-পাতি, দানা, ঔষধ আদি প্ৰদৰ্শনৰ ব্যৱস্থা কৰা হৈছে । ইয়াৰোপৰি উক্ত মেলাত কুকুৰা পালন, হাঁহ পালনৰ লগতে ভিন্ন প্ৰজাতিৰ চৰাই পালনৰো বিশেষ কাৰ্যসূচী গ্ৰহণ কৰা হৈছে ।
খানাপাৰাত তিনিদিনীয়া কাৰ্যসূচীৰে আৰম্ভ পক্ষী মেলা
আৰু পঢ়ক
