নিউজ ডেস্ক,21 এপ্ৰিলঃ অসমৰ জনপ্ৰিয় কণ্ঠশিল্পী ভিতালী দাসৰ দেহাৱসান ৷ অসমীয়া সাংস্কৃতিক জগতৰ এগৰাকী বিহুগীতৰ অতিকে জনপ্ৰিয় কণ্ঠশিল্পী আছিল ভিতালী দাস ৷ তেওঁৰ কণ্ঠই সকলোকে মোহাছন্ন কৰি ৰাখিছিল ৷ বিগত ১৪ এপ্ৰিলত লতাশিলৰ বিহু অনুষ্ঠানত ভাগ ল'বলৈ গৈ অসুস্থ হৈ পৰিছিল জনপ্ৰিয় কণ্ঠশিল্পী গৰাকী ৷ অসুস্থ হৈ পৰাৰ পিছতে কালাপাহাৰৰ ক’ভিড চিকিৎসালয়ত এটা বিশেষজ্ঞৰ দলে চিকিৎসা প্ৰদান কৰি আছিল ভিতালীক । উল্লেখযোগ্য যে, ভেণ্টিলেটৰ সহায়ত শ্বাস-প্ৰশ্বাস প্ৰদান কৰি থকা হৈছিল শিল্পী গৰাকীক ।
কিন্তু নিষ্ঠুৰ নিয়তিৰ কি পৰিহাস ক’ভিডৰ সৈতে যুঁজি যুঁজি অৱশেষত হাৰ মানি বুধবাৰে সন্ধিয়া ৭.০৫ বজাত শেষ নিশ্বাস ত্যাগ কৰে কণ্ঠশিল্পী গৰাকীয়ে ।
লগতে পঢ়কঃ ক’ভিডত আক্ৰান্ত শিৱসাগৰৰ উপায়ুক্ত
