গুৱাহাটী,২১জুলাই: বাংলাদেশে অসমৰ মুখ্যমন্ত্ৰী ড৹ হিমন্ত বিশ্ব শৰ্মাক ঢাকা ভ্ৰমণৰ বাবে আমন্ত্ৰণ জনাইছে (Bangladesh invite Assam CM DR Himanta Biswa Sarma)। গুৱাহাটীৰ মুখ্যমন্ত্ৰী কাৰ্যালয়ৰ পৰা এই কথা জানিব পৰা গৈছে। যোৱা ৫ জুলাইত লিখা এখন পত্ৰত বাংলাদেশৰ বৈদেশিক মন্ত্ৰী ড০ এ কে আব্দুল মোমেনে মুখ্যমন্ত্ৰী ড৹ শৰ্মাৰ "অভিনৱ উদ্যোগ"ৰ প্ৰশংসা কৰি কয় যে এই ভ্ৰমণে দুয়োপক্ষক ভালদৰে বুজি পোৱাত সহায় কৰিব(Bangladesh Foreign Minister Dr AK Abdul Momen sending letter to Assam CM )।
উল্লেখ্য় যে ড০ মোমেনে যোৱা ২৮-২৯ মে'ত নদী সন্মিলনৰ বাবে এটা প্ৰতিনিধি দলৰ সৈতে অসম ভ্ৰমণ কৰিছিল । উক্ত পত্ৰখনত ড০ মোমেনে এই ভ্ৰমণৰ কথা আন্তৰিকতাৰে উল্লেখ কৰি মুখ্যমন্ত্ৰী ড৹হিমন্ত বিশ্ব শৰ্মাই তেওঁৰ প্ৰতিনিধি দললৈ আগবঢ়োৱা আতিথ্যৰ বাবে ধন্যবাদ জ্ঞাপন কৰে।
উল্লেখ যে বাংলাদেশে কেইবাটাও গুৰুত্বপূৰ্ণ আন্তঃগাঁথনি আৰু বিদ্যুৎ প্ৰকল্প চলাই আছে । ইয়াৰ ভিতৰত আছে মুখ্য বিমানবন্দৰ, দলং আৰু বিদ্যুৎ প্ৰকল্প যেনে ৰূপপুৰ পাৰমাণৱিক শক্তি প্ৰকল্প যিবোৰৰ অঞ্চলব্যাপী উন্নয়নমূলক গতিশীলতা সৃষ্টি কৰাৰ সম্ভাৱনা আছে । বাণিজ্য, সংযোগ আৰু প্ৰাকৃতিক সম্পদ ব্যৱস্থাপনাৰ বাবে পশ্চিমবংগ, অসম, মেঘালয়, ত্ৰিপুৰা চৰকাৰৰ সৈতে ঘনিষ্ঠ সমন্বয়ৰ প্ৰয়োজন ।
শেহতীয়া বছৰবোৰত ঢাকাত এই ৰাজ্যসমূহক প্ৰভাৱিত কৰিবলৈ পোনপটীয়াকৈ জড়িত কৰাৰ দাবী আহিছে। ৰাষ্ট্ৰীয় নাগৰিকপঞ্জী আৰু নাগৰিকত্ব (সংশোধনী) আইনৰ বাবে বাংলাদেশত অসম চৰ্চালৈ আহিছে আৰু ইয়াৰ উপৰিও বাংলাদেশৰ অবৈধ নাগৰিকসকলৰ উপস্থিতি ৰাজ্যখনৰ ৰাজনীতিত এক সমস্যা হৈ পৰিছে( National Register of Citizens and Citizenship Amendment Act)। অৱশ্যে বাংলাদেশে এই বিষয়বোৰৰ ওপৰত আনুষ্ঠানিক নীৰৱতা বজাই ৰাখিছে আৰু এয়া ভাৰতৰ "আভ্যন্তৰীণ সমস্যা" বুলি অভিহিত কৰিছে । মুখ্যমন্ত্ৰী ড৹ হিমন্ত বিশ্ব শৰ্মাই বাংলাদেশৰ বৈদেশিক মন্ত্ৰী ড০ এ কে আব্দুল মোমেনেৰ আমন্ত্ৰণ ৰক্ষা কৰি বাংলাদেশ ভ্ৰমণ কৰিলে নিশ্চিতভাবে বাংলাদেশী সমস্যাই স্থান পোৱাৰ সম্ভৱনা আছে ।
লগতে পঢ়ক: Unification of schools: নিৰ্ধাৰিত সময়ৰ ভিতৰত বিদ্যালয়সমূহ একত্ৰীকৰণৰ নিৰ্দেশ মুখ্যমন্ত্রীৰ
