গুৱাহাটী, ২৯ আগষ্ট : ড্ৰাগছৰ বিৰুদ্ধে কেন্দ্ৰীয় গুৱাহাটী আৰক্ষী জিলা(central police district Guwahati)ৰ বিশেষ দল আৰু চান্দমাৰী আৰক্ষীৰ ব্যাপক অভিযানত ড্ৰাগছসহ আটক হ'ল দুই ড্ৰাগছ সহবৰাহকাৰী ৷ অভিযানকাৰী দলটোৱে শনিবাৰে নিশাৰ পৰা দেওবাৰে পুৱালৈ অভিযান চলায় ৷ শনিবাৰে নিশাৰ পৰা দেওবাৰে পুৱালৈ চলা এই অভিযানত আৰক্ষীয়ে কৰণ দাস(২৩), স্বৰগম দাস(২৮) নামৰ দুজন ড্ৰাগছ সৰবৰাহকাৰীক গ্ৰেপ্তাৰ কৰে ।
আৰক্ষীৰ সূত্ৰই প্ৰকাশ কৰা মতে, ফটাশিল আৰক্ষী থানা(Fatasil police station)ৰ অন্তৰ্গত শংকৰ হোটেলৰ সমীপৰ পৰা আৰক্ষীয়ে ২৩ পেকেট হেৰইনসহ কৰণ দাসক কৰায়ত্ব ৷ ধৃত কৰণ দাসৰ পৰা আৰক্ষীয়ে নগদ ৭,০৫,৮৬০ টকা জব্দ কৰে । ইপিনে বতাহঘুলিত অভিযান চলাই স্বৰগম দাসৰ পৰা আৰক্ষীয়ে ১২ পেকেট হেৰইনসহ ১২ হাজাৰ টকা জব্দ কৰাৰ লগতে AS 01DW6046 নম্বৰৰ এখন চাৰিচকীয়া বাহন জব্দ কৰে ।
লগতে পঢ়ক : তামুলপুৰ আৰক্ষীৰ জালত বৃহৎ পৰিমানৰ গাঞ্জাসহ এজন
এই অভিযান কালত জব্দ কৰা মুঠ ৩৫ পেকেট হেৰইনৰ ওজন ৫০০ গ্ৰাম । জব্দ কৰা হেৰইনখিনিৰ আন্তৰাষ্ট্ৰীয় বজাৰৰ মূল্য প্ৰায় ৩.৫ কোটি টকা হ'ব বুলি জানিব পৰা গৈছে । উল্লেখ্য যে, অভিযানকাৰী দলটোৱে যোৱাকালি ড্ৰাগছৰ বিৰুদ্ধে অভিযান চলাই হেৰইনসহ ৪ জনক গ্ৰেপ্তাৰ কৰিছিল ।
লগতে পঢ়ক : উপনিৰ্বাচনৰ পূৰ্বে পুনৰ লাইম লাইটত লুৰীণ জ্যোতি গগৈ
