গুৱাহাটী,29 ফেব্ৰুৱাৰীঃ ৬ মাৰ্চত অসম বিধানসভাত দাখিল কৰা হ'ব অসম বাজেট ২০২০ । এই বাজেটক লৈ ব্যৱসায়ীসকলে কি কয় সেই সন্দৰ্ভত এক বিশেষ প্ৰতিবেদন-
ফাইনাৰৰ অধ্যক্ষ বিনোদ লোহিয়াৰ মতে,'চৰকাৰৰ পৰা আমি সদায় ব্যৱসায়ৰ বাবে ভাল পৰিৱেশ এটা বিচাৰো ৷ যিহেতু অৰ্থ নহলে সকলো অনৰ্থ হয় সেয়েহে উদ্যোগিক ক্ষেত্ৰত বাজেট বৃদ্ধি কৰাটো বিচাৰো । লগতে জি এছ টি-ৰ ক্ষমতা যিহেতু কেন্দ্ৰীয় চৰকাৰৰ হাতত আছে সেয়ে ইয়াৰ পৰা আমি বৰ বেছি আশা নকৰো । কিন্তু আমাৰ বিত্ত মন্ত্ৰী হিমন্ত বিশ্ব শৰ্মা যিহেতু নেডাৰ অধ্যক্ষ হোৱাৰ লগতে কেন্দ্ৰৰ লগত তেখেতৰ ভাল সম্পৰ্ক আছে সেয়েহে আমি এই ক্ষেত্ৰত মন্ত্ৰীগৰাকীয়ে কাম কৰিব বুলি আমি আশাবাদী’। ইয়াৰোপৰি,বৰ্তমান সময়ত বহু অভিভাৱকে তেওঁলোকৰ ল’ৰা-ছোৱালীক ব্যৱসায় কৰিব নিদিয়াতো বৰ বেয়া লক্ষণ হৈছে । নতুন প্ৰজন্ম ব্যৱসায়ত নামিবই লাগিব নহ’লে উদ্যোগিক বিকাশ নহ’ব । লগতে আমাক থলুৱা ব্যৱসায় লাগিব,থলুৱা যুৱক-যুৱতীৰে যিটো "ইষ্ট অ'ফ ডুয়িং" ব্যৱসায় হ’ব ।
আনহাতে,পাট-মুগাৰ ব্যৱসায়ী দীপ দাসে কয়,‘আমি এখন জনমুখী, কল্যাণকামী বাজেট বিচাৰো ৷ লগতে ক্ষুদ্ৰ ব্যৱসায়ীসকলক চৰকাৰে বিশেষ গুৰুত্ব দিব বুলি আমি আশাবাদী’।
