গুৱাহাটী, 9 এপ্ৰিলঃ কৰ'ণা ভাইৰাচ প্ৰতিৰোধী যুঁজখনলৈ অসম আৰোগ্য নিধিৰ জৰিয়তে বৰ্তমানলৈকে ১২,৯৩৪ গৰাকী ব্যক্তিয়ে বৰঙণি আগবঢ়াইছে ৷ বৰ্তমান সময়লৈকে মুঠ ৩১.৯৪ কোটি টকা সংগ্ৰহ হৈছে জনসাধাৰণৰ অৰিহণাৰ পৰা ৷
আনহাতে এই তথ্য জানিব দি স্বাস্থ্যমন্ত্ৰী ডঃ হিমন্ত বিশ্ব শৰ্মাই কয় যে,"সৰু-বৰ প্ৰতিটো বৰঙণিয়েই আমাৰ বাবে গুৰুত্বপূৰ্ণ ৷ আশা কৰোঁ, আগলৈও আপোনালোকৰ পৰা এনে সহযোগিতা লাভ কৰি থাকিম ৷"
উল্লেখ্য যে শৰ্মাই নিজৰ চছিয়েল মিডিয়াৰ জৰিয়তে এই ধন্যবাদ সূচক বাৰ্তা প্ৰেৰণ কৰে ।
বিশ্বব্যাপী সন্ত্ৰাস সৃষ্টি কৰা কৰ'ণা ভাইৰাচৰ বিৰুদ্ধে যুঁজ খনত চৰকাৰ সমূহক প্ৰয়োজন হৈছে জনতাৰ সহযোগীতাৰ । সেই অনুসৰী বিভিন্ন লোকে বিভিন্ন ধৰনেই সহযোগিতা আগবঢ়াইছে । কোনোয়ে যদি প্ৰত্যক্ষ ভাবে সাহায্য পুঁজিত ধন আগবঢ়াইছে, আন কোনোৱে সাধ্য অনুসাৰে দৰিদ্ৰ জনক ধন বা অত্যাৱশ্যকীয় সামগ্ৰী প্ৰদানেৰে সহায় কৰিছে ।
