বিজেপিক পৰাভূত কৰাৰ লক্ষ্যৰে শিৱ সেনাৰে অজাপৰ বৈঠক
গুৱাহাটী , 21 জুন: বিজেপিক পৰাভূত কৰাৰ লক্ষ্যৰে বিৰোধী শক্তিক একত্ৰিত কৰাৰ বাবে উত্তৰ পূবলৈ আহিব শিৱ সেনাৰ নেতা উদ্ধৱ থাকৰে ৷ বুধবাৰে এই কথা সংবাদ মাধ্যমৰ আগত সদৰী কৰে অসম জাতীয় পৰিষদৰ সভাপতি লুৰীণজ্যোতি গগৈয়ে ৷
উল্লেখ্য যে বুধবাৰে মুম্বাইত অসম জাতীয় পৰিষদৰ নেতৃবৃন্দ উপস্থিত হৈ শিৱ সেনাৰ নেতা উদ্ধৱ থাকৰেৰ সৈতে বৈঠকত মিলিত হয় ৷ অসম জাতীয় পৰিষদৰ সভাপতি লুৰীণজ্যোতি গগৈৰ নেতৃত্বত যোৱা 4 জনীয়া দলটোৱে মুম্বাইৰ ‘মাতোশ্ৰী’ত উদ্ধৱ থাকৰেৰ সৈতে আলোচনাত মিলিত হয় ৷
সমগ্ৰ ভাৰতবৰ্ষৰ আঞ্চলিক শক্তি, জাতীয়তাবাদী শক্তিসমূহে পৰৱৰ্তী দিনত কেনেধৰণে ভূমিকা ল’ব লাগিব সেই সম্পৰ্কে বৈঠকত আলোচনা কৰা বুলি সংবাদ মাধ্যমৰ আগত মন্তব্য কৰে গগৈয়ে ৷ তেওঁ লগতে কয় যে বিজেপিক পৰাভূত কৰিবলৈ যি ৰণকৌশল গ্ৰহণ কৰিছে সেই ব্যৱস্থাটোত উদ্ধৱ থাকৰেই সন্মুখত থাকি নেতৃত্ব দিছে ।
