গুৱাহাটী, ৬ অক্টোবৰঃ কংগ্ৰেছৰ দলত অথন্তৰ ৷ কংগ্ৰেছৰ দখলত থকা জনিয়া বিধানসভা সমষ্টিত উপ নিৰ্বাচনৰ পূৰ্বেই বাজিছে বিপদ ঘন্টা ৷ এসময়ৰ ইউ এম এফৰ নেতা আব্দুৰ ৰৌফে জনিয়াৰ পৰা বিধায়ক হিচাপে নিৰ্বাচিত হোৱাৰ পিছতেই পৰৱৰ্তী পৰ্যায়ত যোগ দিছিল কংগ্ৰেছ দলত । ইফালে সমষ্টিটোৰ প্ৰাক্তন বিধায়ক তথা বৰ্তমানৰ বৰপেটা সমষ্টিৰ সাংসদ আব্দুল খালেকৰে তেঁওৰ সংঘাত দীৰ্ঘদিনীয়া আৰু সৰ্বজনবিদিত ।
এই সকলোৰে পৰিপ্ৰেক্ষিতত দেওবাৰে আনুষ্ঠানিকভাবে কংগ্ৰেছ দল ত্যাগ কৰে ৰৌফে । সমষ্টিটোৰ উপ নিৰ্বাচনলৈ মাজত মাত্ৰ কেইটামান দিন বাকী থকা অৱস্থাত আব্দুৰ ৰৌফৰ দলত্যাগে কংগ্ৰেছ দলটোৰ বাবে মোক্ষম আঘাতৰূপে বিবেচিত হৈছে ।
