গুৱাহাটী, ১১ মাৰ্চঃ পুনেত বাস কৰা অসমৰ মানৱ দেৱান আৰু ডাঃ অনুৰাধা ভোচলে দেৱানৰ আছে এক দুৰ্বাৰ হেঁপাহ । এই হেঁপাহ হৈছে বাইকেৰে বিশ্ব ভ্ৰমণ কৰা । ইতিমধ্যে চাৰি মাহত ভ্ৰমণ কৰিছে ১৮ খনকৈ দেশ । যোৱা বছৰৰ মে মাহৰ শেষৰ ফালে স্পেইনৰ পৰা দুয়োয়ে আৰম্ভ কৰিছিল নিজৰ দু:সাহসিক বাইক যাত্ৰা । বিভিন্ন বৰ্নিল অভিজ্ঞতাৰে ভৰা এই বাইক যাত্ৰাৰ অন্ত পৰিছিল ছেপ্টেম্বৰত এছিয়াৰ তুৰ্কী ইষ্টানবুল চহৰত । ২০ হাজাৰ কিলোমিটাৰ যাত্ৰাত দম্পতী হালে ভ্ৰমণ কৰিছে ফাঞ্চ, জাৰ্মানী, ইটালী, আদি বিভিন্ন দেশ ।
বাইকেৰে ভ্ৰমণ ১৮ খনকৈ দেশ
এই বাইক ভ্ৰমণৰ মূল উদ্দেশ্য আছিল বৈচিত্ৰময় ধৰিত্ৰীৰ সৌন্দৰ্য উপভোগ কৰাৰ লগতে বিশ্বৰ প্ৰতিটো প্ৰান্তৰ মানুহৰ লগত সংযোগ স্থাপন কৰাৰ । গুৱাহাটীত উপস্থিত হৈ ১৮ খন দেশত কৰা বাইক যাত্ৰাৰ এক বৰ্ণনা দাঙি ধৰি সোমবাৰে " ডিয়েৰ জাৰ্ণি" নামৰ এখন গ্ৰন্থখনও প্ৰকাশ কৰে দম্পতী হালে ।
