যোৰহাট, 17 নৱেম্বৰ : কেইঘন্টা মানৰ পিছতেই 50 টি সোণালী বসন্ত অতিক্ৰম কৰিব যুৱপ্ৰজন্মৰ হাৰ্থথ্ৰব জুবিন গাৰ্গে । 18 নৱেম্বৰ অৰ্থাৎ শুকুৰবাৰে অসমৰ জনপ্ৰিয় কণ্ঠশিল্পী জুবিন গাৰ্গে 50 বছৰত ভৰি দিব (50th birthday of Zubeen Garg)৷ সেয়ে জুবিন ফেন ক্লাৱে শুকুৰবাৰে প্ৰিয় শিল্পীগৰাকীৰ জন্মদিনটো জন্মজিলা যোৰহাটত উলহ-মালহেৰে উদযাপন কৰাৰ বাবে প্ৰস্তুতি চলাইছে (Zubeen Fan Club) ৷
একপ্ৰকাৰে হাৰ্থথ্ৰব জুবিনৰ 50 বছৰীয়া জন্মদিন উদযাপন কৰিবলৈ সাজু জুবিন ফেন ক্লাৱ, জুৱিন অনুৰাগী তথা যোৰহাটবাসী (Birthday of Zubeen Garg to be celebrated in Jorhat) ৷ পূৰ্ণগতিত যোৰহাট ক্ৰীড়া সন্থা খেলপথাৰত মণ্ডপ নিৰ্মাণৰ কাম চলিছে ৷ অসমৰ ঐতিহ্য ৰংঘৰৰ আৰ্হিত খ্যাতি সম্পন্ন শিল্পীদ্বাৰা নিৰ্মাণ কৰা হৈছে বিশেষ মণ্ডপো ৷
অপেক্ষা মাথো এতিয়া 18 নৱেম্বৰৰ এই বিশেষ দিনটোলৈ ৷
লগতে পঢ়ক : Zubeen Garg in Nalbari: নলবাৰীত জনপ্ৰিয় কণ্ঠশিল্পী জুবিন গাৰ্গ
জন্মদিন উপলক্ষে ইতিমধ্যে যোৰহাটত বাহৰ পাতি আছে অসমৰ হাৰ্থথ্ৰব জুবিন গাৰ্গ ৷ মঙলবাৰে নিশা শিল্পীগৰাকী যোৰহাটত উপস্থিত হোৱাৰ লগে লগে অনুৰাগীৰ মাজত ব্যাপক উচাহ দেখিবলৈ পোৱা গৈছে । জুবিন অনুৰাগী তথা ফেন ক্লাৱৰ সমানে সমানে সাজু হৈ হৈছে যোৰহাট জিলা প্ৰশাসন তথা আৰক্ষীও ৷ অপেক্ষা মাথো কাইলৈৰ বাবে ৷
জুবিন ফেন ক্লাৱৰ সদস্যই উল্লেখ কৰা অনুসৰি, 18 নৱেম্বৰত পতাকা উত্তোলনেৰে আৰম্ভ কৰা হ’ব জুবিন গাৰ্গৰ কাৰ্যসূচী । তাৰ পাচতে 50 বছৰীয়া জন্মদিন উপলক্ষে 50 টি গছপুলি ৰোপন কৰিব জুবিন ফেন ক্লাৱে । লগতে প্ৰদৰ্শন কৰা হ’ব জুবিন গাৰ্গৰ ছবিসমূহ । লগতে থাকিব অসমৰ বিভিন্ন কলা-কুশলীৰ বিভিন্ন সাংস্কৃতিক অনুষ্ঠান ।
আনকি নিশাৰ ভাগত বিভিন্ন জাতি-জনগোষ্ঠীৰ নৃত্যানুষ্ঠানৰ লগতে জুবিন গাৰ্গৰ 50 সংখ্যক জন্মদিন উপলক্ষে গুৱাহাটীৰ এগৰাকী শিল্পীয়ে প্ৰস্তুত কৰা এটি গীত মুকলি কৰি কেক কাটিব জুবিন গাৰ্গে । ইয়াৰ বাবে সমূহ অসমবাসীৰ সহায়-সহযোগিতা তথা উপস্থিতি আন্তৰিকতাৰে কামনা কৰিছে আয়োজকসকলে ।
লগতে পঢ়ক : Zubin Garg Birthday: ৫০ বছৰীয়া জন্মদিন উদযাপনৰ বাবে যোৰহাটত জুবিন গাৰ্গ
