যোৰহাট, নৱেম্বৰ 11 : এইখন অসমত নঘটে কি ? গণেশে পানী খায়,নন্দী ভিন্দিয়েও পানী খায় ৷ অলপ নহয় খালে ঢোকে ঢোকে খায় ৷ আচৰিত নহয়নে কথাষাৰ ৷ এইবাৰ তুলসীয়ে পানী খাইছে যোৰহাটৰ তিতাবৰ বোকাহোলা চাহ বাগিচাৰ মজদুৰ লাইনৰ এজন ব্যক্তিৰ ঘৰত । অন্ধবিশ্বাসৰ চূড়ান্ত সমৰ্থক সকলৰ বাবেই সময়ে সময়ে এনেদৰে গণেশ, নন্দী ভিন্দিয়ে পানী খায় । সঁচা অৰ্থত বিজ্ঞান মানসিকতাৰ অভাৱ নে অলৌকিকতা ? যোৰহাটত যি ঘটিল তাকে লৈ একাংশ অন্ধবিশ্বাসী লোকে চলালে পূজা পাঠ, বিভিন্নজনৰ বিভিন্ন বিশ্লেষণ ।
বিজ্ঞানৰ যুগতো তেওঁলোকৰ মতে স্বয়ং তুলসী দেৱী আৱিৰ্ভাৱ হৈছে । কিন্তু আমি আপোনালোকৰ আগত ফাদিল কৰিম প্ৰকৃত সত্য কি ? সঁচাকৈ তুলসী গছে পানী খায় নেকি ? মুখ নোহোৱাকৈ কেনেকৈ পাতে পানী খাব পাৰে পানী ,মন কৰক এই দৃশ্যলৈ । বিজ্ঞানে কি কয় ? আমি সত্য উদ্ঘাটনৰ বাবে কাষ চাপিছিলো জগন্নাথ বৰুৱা মহাবিদ্যালয়ৰ উদ্ভিদ বিজ্ঞান বিভাগৰ অধ্যাপক বুবুল চন্দ্ৰ নেঁওগৰ ।
প্ৰকৃততে তুলসী পাতে পানী নাখায় বা পানীৰ প্ৰতি আৰ্কষিত নহয়। যিহেতু খৰালি দিনত সাধাৰণতে ৰাজ্যত কুঁৱলী পৰে আৰু সেই কুঁৱলী তুলসী পাতৰ তলৰ ভাগত জমা হৈ থাকে। যেতিয়া কোনো পাত্ৰত পানী লৈ তুলসী পাতৰ ওচৰলৈ নিয়া হয় তেতিয়া পানীৰ কণাই পানীৰ প্ৰতি আৰ্কষিত হৈ পৰে যাৰ ফলত তুলসী গছৰ পাত হাউলি যায় । কিন্তু এচাম লোকৰ অজ্ঞতাৰ বাবে এইয়া হৈ পৰিছে ভগৱানৰ লীলা ।
লগতে পঢ়ক : অসুস্থ লতা মংগেশকাৰ
