টিয়ক,12 মাৰ্চঃ অসম চৰকাৰে দৰিদ্ৰ চাহ শ্ৰমিকৰ বাবে ঘৰে ঘৰে প্ৰদান কৰা বিনামূলীয়া বিদ্যুৎ গ্ৰহণ কৰি এতিয়া শলঠেকত পৰিছে চাহ শ্ৰমিকসকল । ভোটৰ অংকত বিনামূলীয়া বিদ্যুৎ যোগান ধৰিলে ঠিকেই কিন্তু শ্ৰমিকসকললৈ বিদ্যুৎ ব্যৱহাৰ কৰাৰ বাবদ মাহেকীয়া বিলত টকাৰ পৰিমাণ দেখি চকু কপালত উঠিল টিয়কৰ চাহ শ্ৰমিকৰ । মাহেকত ছয় হাজাৰ টকাৰ পৰা বাৰ হাজাৰ টকাৰ বিল পৰিশোধ কৰিব লগা হোৱাত স্বাভাৱিকতে উত্তেজিত হৈ পৰে চাহ শ্ৰমিকসকল ।
উত্তেজিত শ্ৰমিকসকলে আটছাৰ চেলেংহাট উপ-শাখাৰ আহ্বানত টীয়কস্থিত বিদ্যুৎ বিভাগৰ কাৰ্যালয়ৰ সন্মুখত উত্তাল প্ৰতিবাদ সাব্যস্ত কৰে ৷ লগতে কোনো কাৰণতে বিদ্যুতৰ বিল পৰিশোধ নকৰাৰ হুংকাৰ দিয়ে শ্ৰমিকসকলে । নিৰ্বাচনত ভোট কিনাৰ স্বাৰ্থত চৰকাৰে ৰূপায়ন কৰা এই আঁচনিয়ে এতিয়া নিৰ্বাচনৰ প্ৰাকক্ষণত বিজেপি চৰকাৰখনক শলঠেকত যে পেলাব সেয়া নিশ্চিত । শ্ৰমিকসকলৰ মজুৰি পঞ্চাশ টকা বঢ়াই দি চৰকাৰে বিদ্যুৎ মাচুলৰ যোগেদি সেই ধন ঘূৰাই লোৱাৰ অভিসন্ধি কৰা বুলি অভিযোগ কৰিছে প্ৰতিবাদী শ্ৰমিকসকলে ।
লগতে পঢ়কঃপৰেশ বৰুৱাই সমৰ্থন জনাইছে নেকি চাবুৱাৰ প্ৰাৰ্থী প্ৰিয়ংকা নেওগক !
