টীয়ক,16 চেপ্তেম্বৰঃ যোৰহাট জিলাৰ টীয়ক বিদ্যুৎ উপ সংমণ্ডলৰ অধীনষ্ঠ টীয়ক কলিয়াপানী চাপৰি গাঁৱত শক্তি বিভাগৰ গাফিলতিয়ে শংকিত কৰি তুলিছে অঞ্চলটোৰ ৰাইজক ৷ কিয়নো অতি কম উচ্চতাতে ওলমি আছে বিদ্যুৎ পৰিবাহী তাঁৰ ৷ হাত মেলিলেই স্পৰ্শ কৰিব পাৰি উক্ত বিদ্যুৎ পৰিবাহী তাঁৰ ৷ উল্লেখযোগ্য যে,স্থানীয় ৰাইজে বিদ্যুৎ পৰিষদক এই সন্দৰ্ভত বহুবাৰ অভিযোগ দিয়াৰ পাছতো পৰিষদে বৰ্তমানলৈকে কোনো ব্যৱস্থা গ্ৰহণ কৰা নাই যাৰ বাবে যিকোনো মূহুৰ্তত ভয়ংকৰ দুৰ্ঘটনা সংঘটিত হোৱাৰ আশংকা প্ৰৱল হৈ পৰিছে ৷ সেয়ে অতি শীঘ্ৰে বিদ্যুৎ পৰিবাহী তাঁৰডাল নিদ্দিষ্ট উচ্চতাত স্থাপন কৰিবলৈ বিভাগক আহ্বান জনাইছে স্থানীয় ৰাইজে ৷
হাত মেলিলেই স্পৰ্শ কৰিব পাৰি বিদ্যুৎ পৰিবাহী তাঁৰ !!
