টীয়ক,11জানুৱাৰী: ৰাজ্যৰ চৌদিশে এতিয়া ভোগালীক আদৰাৰ প্ৰস্তুতি । কিন্তু তাৰ মাজতে ব্যতিক্ৰম বানে গৰকা টীয়কৰ জাঁজীমুখ ৷ দীৰ্ঘদিন ধৰি জাজীমুখৰ মথাউৰিৰ ওপৰত বসবাস কৰা লোকসকলে এইবাৰ পালন নকৰে হেপাহৰ ভোগালী বিহু । কাৰণ বাৰিষাৰ বলীয়া বানত খেতি-পথাৰ সকলো নষ্ট হোৱাত ভোগৰ উৎসৱত ভোগ কৰিবলৈ অসমৰ্থ এতিয়া গাঁওবাসী ৷ যাৰ বাবে গাঁওবাসীয়ে বিহু পালন নকৰাৰ সিদ্ধান্ত লৈছে ৷
উল্লেখ্য যে, ২০০২ চনতে গাঁওখনৰ বহুকেইটা পৰিয়ালৰ ঘৰ, মাটি সকলো ব্ৰহ্মপুত্ৰৰ বাঢ়নী পানীয়ে উটুৱাই লৈ গৈছিল ৷ তেতিয়াৰ পৰাই মথাউৰিত অস্থায়ীভাৱে বাস কৰি থকা পৰিয়াল কেইটাই হেপাঁহেৰে উদযাপন কৰিব পৰা নাই প্ৰতিটো বিহু । এইবাৰো এইসকল লোকৰ মাজত নাই ভোগালীক আদৰাৰ কোনো প্ৰস্তুতি । ব্ৰহ্মপুত্ৰৰ বাঢ়নী পানীত সৰ্বস্ৰান্ত হোৱা লোকসকলৰ নাই ভোগালীৰ বাবে কোনো উৎসাহ ৷
অন্য এক খবৰৰ বাবে: কাৰাগাৰৰ বন্ধ কুঠৰীৰ পৰা কয়দীৰ কৰ্ম-সংস্কৃতিৰ নিদৰ্শন
