টীয়ক,1আগষ্টঃ টীয়কৰ এজন চিত্ৰশিল্পী নাম মনোজ বৰা । কোনোধৰণৰ আনুষ্ঠানিক শিক্ষা নথকাৰ সত্বেও অংকন কৰিব পাৰে নিখুত চিত্ৰ তথা ভাস্কৰ্য । সৰুৰে পৰা চিত্ৰ শিল্পৰ প্ৰতি আকৃষ্ট হৈ বহু ছবি অংকন কৰি আহিছে আৰু বৰ্তমানেও থাৰ্ম'কল, কাঠ, চিমেন্ট আদিৰে বিভিন্ন মূৰ্তি নিৰ্মাণত ব্যস্ত হৈ আছে শিল্পীগৰাকী । টীয়ক নগৰৰ ২ নং ৱাৰ্ডৰ বাসিন্দা মনোজৰ পিতৃ পেছাত এজন ৰিক্সাচালক ।
টীয়কৰ এজন স্বভাৱজাত চিত্ৰশিল্পী মনোজ বৰা
ইপিনে বিভিন্ন চিত্ৰ-মূৰ্তি নিৰ্মাণ কৰি এতিয়া কোনোমতে পৰিয়ালৰ ভাতমুথি যোগাৰ কৰিবলৈ চেষ্টা চলাইছে মনোজে । অৱশ্যে শেহতীয়াকৈ মনোজে ঘৰৰ চোতালতে বাঁহৰ চালি দি ভেনাচ আৰ্ট নামেৰে আৰম্ভ কৰিছে ক্ষুদ্ৰ ব্যৱসায় প্ৰতিষ্ঠান ।
