মাজুলী, 14 মে’: মুখ্যমন্ত্ৰীৰ দায়িত্ব লৈয়ে বৃহস্পতিবাৰে মাজুলী ভ্ৰমণলৈ আহে মুখ্যমন্ত্ৰী ড৹ হিমন্ত বিশ্ব শৰ্মা ৷ বৃহস্পতিবাৰে মাজুলীৰ গড়মুৰস্থিত আৱৰ্ত ভৱনত মুখ্যমন্ত্ৰী ড৹ শৰ্মাক সাক্ষাৎ কৰে কংগ্ৰেছৰ প্ৰাক্তন মন্ত্ৰী ৰাজীৱ লোচন পেগুৱে ৷
কংগ্ৰেছৰ প্ৰাক্তন মন্ত্ৰী গৰাকীয়ে মুখ্যমন্ত্ৰীক সাক্ষাৎ কৰি, ভাৰতীয় জাতীয় কংগ্ৰেছৰ তৰফৰ পৰা আদৰণি জনাবলৈ আহিছে বুলি সাংবাদিকৰ আগত মন্তব্য কৰে ৷ আনকি মাজুলীৰ উন্নয়নৰ খাতিৰত যেনেকৈ সহায়-সহযোগীতা বিচাৰে, তেনেকৈয়ে সহায় কৰিবলৈ প্ৰস্তুত বুলি মন্তব্য কৰে কংগ্ৰেছৰ প্ৰাক্তন মন্ত্ৰী গৰাকীয়ে ৷
উল্লেখ্য যে, বিগত কিছুদিন ধৰি সঘনে চৰ্চালৈ আহিছে যে কংগ্ৰেছৰ প্ৰাক্তন মন্ত্ৰী ৰাজীৱ লোচন পেগু অতি ক্ষীঘ্ৰেই যোগদান কৰিব ভাৰতীয় জনতা পাৰ্টীত ৷ কিন্তু সংবাদমাধ্যমৰ আগত এই ক্ষেত্ৰত ৰাজনৈতিক কিছু ব্যক্তব্য ৰখাৰ পৰা বিৰত থাকিল কংগ্ৰেছৰ প্ৰাক্তন মন্ত্ৰী ৰাজীৱ লোচন পেগুৱে ৷
লগতে পঢ়ক: ডিগবৈ টিংৰাই বজাৰত গ্ৰেনেট বিস্ফোৰণ, নিহত 1
