যোৰহাট, ১৭ ফেব্ৰুৱাৰী: ৰাজ্যত পুনৰ সাংবাদিক নিগ্ৰহ । গণতন্ত্ৰৰ চতুৰ্থ স্তম্ভক আক্ৰমণ দুৰ্বৃত্তৰ । মংগলবাৰে নিশা যোৰহাটস্থিত প্ৰতিদিন টাইমৰ কাৰ্যালয়ত দুৰ্বৃত্তৰ আক্ৰমণ । এই ঘটনাৰ বিৰুদ্ধে বুধবাৰে যোৰহাটত সাব্যস্ত কৰা হয় তীব্ৰ প্ৰতিবাদ । যোৰহাট জিলা উপায়ুক্তৰ কাৰ্য্যালয়ৰ সন্মুখত তীব্ৰ প্ৰতিবাদ সাব্যস্ত কৰে যোৰহাট ই মিডিয়া, সদৌ অসম ছাত্ৰ সন্থাৰ যোৰহাট জিলা সমিতি, যোৰহাট জিলা সাংবাদিক সন্থাই ।
এই ঘটনাক গৰিহণা দিয়ে প্ৰতিবাদকাৰীসকলে । ইফালে এই ঘটনাৰ লগত জড়িত তিনি দুষ্কৃতিকাৰীক মংগলবাৰে যোৰহাট আৰক্ষীয়ে আটক কৰিছে । আটক কৰা দুষ্কৃতিকাৰী কেইজন যাতে কোনো কাৰণতে সাৰি যাব নোৱাৰে, সেয়া সু নিশ্চিত কৰিবৰ বাবে দাবী জনায় প্ৰতিবাদকাৰীসকলে । ইফালে, এই ঘটনাৰে জৰিত যি কেইটা দুস্কৃতিকাৰী পলাতক. সেইসকলক যাতে আৰক্ষীয়ে অনতি পলমে গ্ৰেপ্তাৰ কৰে তাৰ বাবেও দাবী জনায় ।
লগতে পঢ়ক:কোকৰাঝাৰত উপস্থিত অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত
