যোৰহাট, 13 জুনঃ ৰাজ্য চৰকাৰে দৰিদ্ৰ লোকৰ বাবে প্ৰদান কৰা 1000 টকাৰ আঁচনিত অনিয়মৰ অভিযোগ উত্থাপন হৈছে 49 নং মধ্য নামনি চৰাইবাহী গাঁও পঞ্চায়তৰ ৱাৰ্ড সদস্যৰ বিপৰীতে ৷ ৱাৰ্ড সদস্য দিপালী বৰুৱাৰ বিৰুদ্ধে উত্থাপন হৈছে এই অনিয়মৰ অভিযোগ ৷ অভিযুক্ত ৱাৰ্ড সদস্য দিপালী বৰুৱা পঞ্চায়তটোৰ অধীনৰ 4 নং ৱাৰ্ডৰ সদস্য ৷
শনিবাৰে 747 নম্বৰত 420 ধাৰাত ৱাৰ্ড সদস্য গৰাকীৰ বিৰুদ্ধে ৰুজু হোৱা এক গোচৰৰ ভিত্তিত আৰক্ষীয়ে তেওঁক গ্ৰেপ্তাৰ কৰে ৷ আনহাতে আটকাধীন অভিযুক্ত দিপালী বৰুৱাই উল্লেখ কৰা অনুসৰি,তেওঁ সম্পূৰ্ণভাৱে ৰাজনৈতিক ষড়যন্ত্ৰৰ বলি হৈছে ৷ তেওঁৰ মতে বিজেপিৰ দলৰ প্ৰতিনিধি থকা আন পঞ্চায়ত সমূবত সংঘটিত হৈ আছে বহু দুৰ্নীতি ৷ তেওঁ কংগ্ৰেছ দলৰ হোৱাৰ বাবেই তেওঁৰ বিৰুদ্ধে কোনোৱে ষড়যন্ত্ৰ কৰা বুলি উল্লেখ কৰে আটকাধীন দিপালী বৰুৱাই ৷
লগতে পঢ়কঃ ভুৱা সংবাদিকৰ নামেৰে ধন দাবী কৰা যুৱক আটক
