যোৰহাট,5 মাৰ্চঃ জুবিন গাৰ্গ প্ৰতিজন অসমীয়াৰ শিৰে শিৰে সোমাই আছে ৷ সেয়েহে জুবিন অসুস্থ হৈ পৰাৰ লগে লগে প্ৰতিজন অসমীয়াই জুবিনৰ আশু-আৰোগ্য কামনা কৰি ভগৱানৰ ওচৰত প্ৰাৰ্থনা জনাই আহিছে ৷ এনে এক ব্যতিক্ৰমী দৃশ্য দেখা গ’ল যোৰহাটত ৷ যোৰহাটৰ এগৰাকী পদপথৰ ব্যৱসায়ীয়ে নিৰৱচিন্নভাৱে জুবিন গাৰ্গৰ আশু আৰোগ্য কামনা কৰি প্ৰতিদিনে জনাই আহিছে প্ৰাৰ্থনা ৷ যোৰহাটৰ বহতীয়া গাঁৱৰ জানমণি বৰা নামৰ মহিলাগৰাকীয়ে যোৰহাট জিলা উপায়ুক্ত কাৰ্যালয়ৰ সন্মুখত পদপথত পান তামোলৰ দোকান দি পেট প্ৰৱৰ্তাই আহিছে ৷ কিন্তু জুবিনৰ অনুৰাগী মহিলাগৰাকীয়ে জুবিন অসুস্থ হোৱাৰ দিনটোৰ পৰাই ভগৱানৰ ওচৰত জনাই আহিছে প্ৰাৰ্থনা ৷ আনহাতে, অসমৰ আন এক প্ৰতিবাদী সত্তা অখিল গগৈৰ আশু আৰোগ্য কামনা কৰিও প্ৰাৰ্থনা কৰে জানমণি বৰাই ৷
জুবিনৰ আৰোগ্যৰ বাবে প্ৰতিদিনে প্ৰাৰ্থনা যোৰহাটৰ জানমণি বৰাৰ
