টীয়ক,17 ফেব্ৰুৱাৰীঃ যোৰহাট জিলাৰ টীয়ক আৰক্ষী থানাৰ অন্তৰ্গত জগদুৱাৰ তিনিআলিৰ সমীপৰ অনলাইন শ্বপিঙৰ এটা বিতৰণ কেন্দ্ৰৰ চাটাৰৰ তলা ভাগি দেওবাৰে পুৱতি নিশা চোৰে কেন্দ্ৰটোৰ লকাৰ ভাগি তিনি লক্ষাধিক টকা লুটি নিয়ে। কেন্দ্ৰটোত সংস্থাপিত চি চি কেমেৰাত দুজনীয়া এটা দলে উক্ত ঘটনাটো সংঘটিত কৰাৰ কথা পৰিছে যদিও চোৰে মুখমণ্ডলত মাস্ক ব্যৱহাৰ কৰাত ছবিখন স্পষ্ট হোৱা নাই।
আনহাতে বিগত সময়ত টীয়কৰ জগদুৱাৰ অঞ্চলত প্ৰায়ে চুৰি কাৰ্য সংঘটিত হৈ আহিছে যদিও এটাও চোৰ আৰক্ষীয়ে কৰায়ত্ব কৰিবলৈ সক্ষম হোৱা নাই। এইবাৰ জগদুৱাৰস্থিত ডেলিভাৰী প্ৰাইভেট লিমিটেড নামৰ এই কুৰিয়াৰ ছাৰ্ভিছৰ কেন্দ্ৰৰ পৰা নগদ টকাসহ কেইবাটাও পাৰ্চেলো লৈ গৈছে বুলি জানিব পৰা গৈছে। আৰক্ষীয়ে ইতিমধ্যে ঘটনাস্থলীত উপস্থিত হৈ তদন্ত আৰম্ভ কৰিছে লগতে জগদুৱাৰবাসী ৰাইজেও চুৰি কাৰ্যৰ সৈতে জড়িত চক্ৰটোক উৎখাত কৰিবলৈ আৰক্ষীক দাবী জনাইছে।
লগতে চাওকঃ
