টীয়ক, 29 জুনঃ টীয়কৰ জাঁজীমুখত বিপদ সীমাৰ ওপৰেৰে বৈছে ব্ৰহ্মপুত্ৰৰ পানী । যোৱা কেইবাদিনো ধৰি হোৱা নেৰেনেপেৰা বৰষুণৰ ফলত ফেনে ফুটুকাৰে উফণ্ডি উঠিছে মহাবাহু ব্ৰহ্মপুত্ৰৰ বুকু । প্লাৱিত হৈছে বৃহত্তৰ জাঁজীমুখৰ ন ন অঞ্চল । ইতিমধ্যে বানত বুৰ গৈছে শ শ বিঘা বাও ধানৰ খেতি,প্ৰায় ৩০ খনতকৈ অধিক গাঁও জলমগ্ন হৈ পৰিছে।
টীয়কৰ জাঁজীমুখত প্লাৱিত ৩০ খনতকৈ অধিক গাঁও
উল্লেখযোগ্য যে লক ডাউনৰ ফলত প্ৰায় সৰ্বোচ্চ হেৰুওৱা কৃষিজীৱী ৰাইজ এতিয়া চিন্তিত,চৰকাৰে বাহিৰৰ পৰা অহা শ্ৰমিকসকলৰ বাবে জব কাৰ্ডৰ ব্যৱস্থা কৰিব বুলি কৈছিল যদিও এনেকৈ পানীৰ তলত থাকিলে কাম কৰাটো অসুবিধা হ'ব। সেয়ে খাদ্য সংকটত পৰাৰ আশংকা কৰিছে ৰাইজে।
লগতে চাওকঃ অখিল গগৈক মুকলি কৰি দিবলৈ ভাৰত চৰকাৰক ৰাষ্ট্ৰসংঘৰ আহ্বান
