যোৰহাটত উদ্ধৱ থাকৰেৰ প্ৰতিকৃতি দাহ

সাংবাদিক অৰ্ণৱ গোস্বামীৰ মুক্তিৰ দাবীত উত্তাল হৈ পৰে যোৰহাট জিলা ৷ জিলাখনৰ বৰুৱা চাৰিআলিত হিন্দু যুৱ ছাত্ৰ পৰিষদে উদ্ধৱ ঠাকৰেৰ প্ৰতিকৃতি দাহ কৰি সাব্যস্ত কৰে উত্তাল প্ৰতিবাদ ।

যোৰহাট,5নৱেম্বৰ: বৃহস্পতিবাৰে ৰাজ্যৰ অন্য প্ৰান্তৰ সমান্তৰালকৈ যোৰহাট জিলাতো সাংবাদিক অৰ্ণৱ গোস্বামীক গ্ৰেপ্তাৰ কৰাৰ বিৰোধীতা কৰি সাব্যস্ত কৰা হয় প্ৰতিবাদ ৷ যোৰহাটৰ বৰুৱা চাৰিআলিত হিন্দু যুৱ ছাত্ৰ পৰিষদে সাব্যস্ত কৰে এই প্ৰতিবাদ ৷ মহাৰাষ্ট্ৰ চৰকাৰে সাংবাদিক অৰ্ণৱ গোস্বামীক ষড়যন্ত্ৰমূলক ভাৱে গ্ৰেপ্তাৰ কৰিছে বুলি উল্লেখ কৰি সংগঠনটোৰ সদস্য সকলে দাহ কৰে উদ্ধৱ থাকৰেৰ প্ৰতিকৃতি ৷

প্ৰতিবাদকাৰী সকলে 'মহাৰাষ্ট্ৰ চৰকাৰ হায়-হায়,অৰ্ণৱ গোস্বামীক মুক্তি দিয়ক' আদি শ্ল'গানেৰে প্ৰতিবাদস্থলী উত্তাল কৰি তোলে ৷ অতি শীঘ্ৰে সাংবাদিক গৰাকীৰ মুক্তি দাবী জনায় প্ৰতিবাদকাৰী সকলে ৷

অন্য এক খবৰৰ বাবে: গুৱাহাটী মহানগৰীত জ্বলিল মুখ্যমন্ত্ৰী-যোগানমন্ত্ৰীৰ প্ৰতিকৃতি