যোৰহাট, ১২ মাৰ্চ : ২০১৮-১৯ বিত্তীয় বৰ্ষৰ প্ৰায় ২ কোটি টকাৰ ৰাজহ সংগ্রহৰে বিগত বৰ্ষৰ সকলো অভিলেখ ভংগ কৰিলে যোৰহাট বনসংমণ্ডলে । যোৰহাটৰ ১০ টা বালিমহলৰ পৰাই জিলাখনৰ বন সংমণ্ডলটোৱে সংগ্রহ কৰিবলৈ সক্ষম হৈছে ১ কোটি ৩৩ লাখ টকাৰ ৰাজহ । যোৰহাটৰ জিলা বন বিষয়া মিত দেৱিন্দৰ সুমনৰ তথ্য অনুসৰি, ২০১৮-১৯ বিত্তীয় বৰ্ষত এতিয়ালৈকে প্ৰায় ১,৭২,৬৮,৩৭৯ টকাৰ ৰাজহ সংগ্ৰহ কৰিছে বিভাগটোৱে ।
২ কোটি টকাৰ ৰাজহ সংগ্রহ যোৰহাট বনসংমণ্ডলৰ
উল্লেখ্য যে, ২০১৫-১৬ বৰ্ষত ৯৬,৪১,৪৭৬ টকা ৰাজহ, ২০১৬-১৭ বৰ্ষত ১,২৯,৬৮,৮৫২ টকা ৰাজহ আৰু ২০১৭-১৮ বৰ্ষত সংগ্ৰহ কৰিছিল ১,৫৩,৪৭,১৫২ টকা ৰাজহ ।
