যোৰহাটত উপস্থিত বিজেপিৰ ৰাজ্যিক সভাপতি ৰঞ্জিত দাস

যোৰহাটৰ এখন দলীয় সভাত উপস্থিত হৈ কংগ্ৰেছ আৰু এআইইউডিএফৰ মিত্ৰতাক অপবিত্ৰ আখ্যা দিয়ে বিজেপিৰ ৰাজ্যিক সভাপতি ৰঞ্জিত দাসে ৷ যোৰহাটৰ চ্যুকাফা কলাক্ষেত্ৰত অনুষ্ঠিত হৈছিল বিজেপিৰ এখন দলীয় সভা ৷

যোৰহাট, 8 জানুৱাৰী : শুকুৰবাৰে যোৰহাটত উপস্থিত হয় বিজেপিৰ ৰাজ্যিক সভাপতি ৰঞ্জিত দাস ৷ যোৰহাটত উপস্থিত হৈ চ্যুকাফা কলাক্ষেত্ৰত অনুষ্ঠিত দলীয় সভাত ভাগ লয় ৰঞ্জিত দাসে ৷

সভাত দলীয় কৰ্মকৰ্তাৰে মত বিনিময় কৰি বিজেপিৰ ৰাজ্যিক সভাপতিগৰাকীয়ে কেতবোৰ গুৰুত্বপূৰ্ণ মন্তব্য কৰে ৷ দেৰগাঁও সমষ্টিত এইবাৰ বিজেপি প্ৰাৰ্থীয়ে টিকট পাব পাৰে বুলি মন্তব্য আগবঢ়ায় দাসে ৷

আনহাতে, কংগ্ৰেছ আৰু এআইইউডিএফৰ মিত্ৰতাক অপবিত্ৰ আখ্যা দি উজনি অসমৰ ৰাইজে এনে মিত্ৰতা নিবিচাৰে বুলিও ভাষ্য আগবঢ়ায় বিজেপিৰ ৰাজ্যিক সভাপতিগৰাকীয়ে ৷

লগতে পঢ়ক : কেতিয়া নিৰ্বাপিত হ'ব নাগালেণ্ডৰ জকু' ভেলীৰ বন জুই ?