যোৰহাট, 10 জানুৱাৰী : আজিৰে পৰা ৰাজ্যত আৰম্ভ হৈছে সুৰক্ষা সূচক ক’ভিড প্ৰতিষেধক প্ৰদানৰ কাৰ্যসূচী ৷ যাক সহজ অৰ্থত ক’ব পাৰি ক’ভিডৰ তৃতীয় পালি প্ৰতিষেধক অৰ্থাৎ বুষ্টাৰ ড’জ বুলি ৷ সোমবাৰে যোৰহাট চিকিৎসা মহাবিদ্যালয় হাস্পতালত এই কাৰ্যসূচীৰ শুভাৰম্ভ কৰে ৰাজ্য চৰকাৰৰ স্বাস্থ্য মন্ত্ৰী কেশৱ মহন্তই (Keshab Mahanta launched the precautionary dose of Covid 19 in JMCH) ৷
মন্ত্ৰীগৰাকীয়ে বুষ্টাৰ ড’জৰ আৰম্ভণি অনুষ্ঠানত উপস্থিত (Health minister Keshab Mahanta in JMCH) থাকি এই ড’জ গ্ৰহণ কৰিবলৈ উপযুক্ত লোকসকলক আহ্বান জনায় ৷ উল্লেখ্য যে, সদ্যহতে এই প্ৰতিষেধক গ্ৰহণৰ বাবে অনুমতি প্ৰদান কৰা হৈছে 60 ৰ ঊৰ্ধৰ ব্যক্তিসকলৰ লগতে এই যুঁজত সন্মুখৰ পৰা নেতৃত্ব প্ৰদান কৰি অহা যোদ্ধাসকলক ৷ এই শ্ৰেণীত সন্নিৱিষ্ট থাকিব চিকিৎসক, চিকিৎসা কৰ্মী, আৰক্ষী, সাংবাদিকৰ দৰে বিশেষ শ্ৰেণীৰ লোকসকল ৷
স্বাস্থ্যমন্ত্ৰী গৰাকীয়ে এই অনুষ্ঠান মুকলি কৰি কয় যে, ক’ভিড সংক্ৰমণ ৰোধৰ স্বাৰ্থত কঠোৰ স্থিতি গ্ৰহণ কৰিব ৰাজ্য চৰকাৰে ৷ যাৰ বাবে প্ৰয়োজনত নৈশ সান্ধ্যৰ সময় বৃদ্ধি কৰা হ’ব ৷ আনহাতে, এই সময়চোৱাত চৰকাৰী নিৰ্দেশ উলংঘা কৰি বাহিৰত চলা-ফুৰা লোকসকলৰ বিৰুদ্ধে গ্ৰহণ কৰা হ’ব যথাযথ ব্যৱস্থা ৷
আনহাতে, ফেব্ৰুৱাৰীৰ ভিতৰত আগন্তুক হাইস্কুল শিক্ষান্ত পৰীক্ষাৰ লগতে উচ্চতৰ মাধ্যমিক পৰীক্ষাত অৱতীৰ্ণ হ’বলগীয়া ছাত্ৰ-ছাত্ৰীসকলৰ টীকাকৰণ সম্পূৰ্ণ কৰি তোলা হ’ব ৷ তদুপৰি দুটাকৈ ড’জ লোৱা ব্যক্তিসকলে প্ৰতিষেধকৰ চাৰ্টিফিকেট লৈহে সকলো প্ৰকাৰৰ অনুষ্ঠান-প্ৰতিষ্ঠানত অংশগ্ৰহণ কৰিব পাৰিব ৷ এই কথাও আজি ঘোষণা কৰে স্বাস্থ্যমন্ত্ৰী গৰাকীয়ে ৷
ইয়াৰ লগতে মাস্ক পৰিধান নকৰা লোকসকলক (No Mask No Entry Policy by Assam Government) কোনো ধৰণৰ অনুষ্ঠান-প্ৰতিষ্ঠানত প্ৰৱেশ কৰিবলৈ দিয়া নহ’ব বুলিও স্বাস্থ্যমন্ত্ৰীয়ে সদৰী কৰে ৷
লগতে চাওক: Mosambi peels can help prevent Cancer : মৌচুমী ফলৰ বাকলিয়ে প্ৰতিৰোধ কৰিব পাৰে দুৰাৰোগ্য কৰ্কট ৰোগ
