যোৰহাট, 29 মাৰ্চ: শক্তিমন্ত্ৰী তপন গগৈৰ বিভাগৰ অন্তৰ্গত সৌভাগ্য আঁচনিৰ জৰিয়তে বিতৰণ কৰা চৰকাৰী এল ই ডি বাল্ব জব্দ কৰা হয় যোৰহাটত । নিৰ্বাচনী উপলক্ষে সমগ্র ৰাজ্যতে অধিসূচনা জাৰি হোৱাৰ ফলত ৰাজ্য চৰকাৰৰ কোনোধৰণৰ আঁচনিৰ সামগ্ৰী হিতাধীকাৰীৰ মাজত বিতৰণ কৰাত বাধা আৰোপ কৰা হৈছিল ৷ কিন্তু সেই সময়তে শুকুৰবাৰে তপন গগৈৰ যোৰহাট লোকসভা সমষ্টিতে যোৰহাট জিলা যুৱ ছাত্র পৰিষদৰ কৰ্মকতাই প্ৰায় ৯৫০ কাৰ্টন এল ই ডি বাল্বভৰ্তি ট্ৰাক এখন জব্দ কৰে ৷ যোৰহাট বিদ্যুৎ ভৱনত MP 07 HB 5091 নম্বৰ প্লেটৰ ট্ৰাকত উদ্ধাৰ হোৱা বাল্বসমূহ ইতিমধ্যে যোৰহাট জিলা প্ৰশাসনে জব্দ কৰিছে ।
যোৰহাট জিলা দণ্ডাধীশে জনোৱা মতে, নিৰ্বাচনী অধিসূচনা বিধিগতভাৱে যতি পৰাৰ পাছতহে বাল্বসমূহ বিতৰণকৰিব পাৰিব ।নিৰ্বাচনৰ সময়ত এনেদৰে চৰকাৰী আঁচনিৰ সামগ্ৰী জব্দ হোৱাৰ ফলত সমগ্ৰ যোৰহাটতে প্ৰতিক্ৰিয়াৰ সৃষ্টি হৈছে ।
