টীয়ক,০৩ মাৰ্চ: টীয়কৰ চেলেংহাট হালোৱা গাঁৱত উদ্ধাৰ এগৰাকী মহিলাৰ মৃতদেহ (dead boy of woman recovered in Teok)। মৃতদেহটো ডালিম বাগিছাৰ নিয়মীয়া কৰ্মচাৰী চনিয়া ভূমিজৰ বুলি জানিব পৰা গৈছে । পুৱাৰ ভাগত স্থানীয় কোনো ব্যক্তিয়ে ঘৰৰ পৰা কিছু নিলগত মৃতদেহটো পৰি থকা অৱস্থাত দেখা পাই আৰক্ষীক খবৰ দিয়ে ।
ঘটনাস্থলীত আৰক্ষী উপস্থিত হৈ আৰম্ভ কৰে তদন্ত । ওচৰ চুবুৰীয়াৰ ভাষ্য অনুষৰি শনিবাৰে দিনতে বেংকলৈ গৈছিল মহিলাগৰাকী । বেংকলৈ ওলাই যোৱা মহিলাগৰাকীক ধন লুটৰ উদ্দেশ্যেই কোনো লোকে হত্যা কৰাৰ সন্দেহ স্থানীয় ৰাইজৰ ।
ইফালে উদ্ধাৰ হোৱা মৃতদেহটোৰ ডিঙিত আঘাটৰ চিন স্পষ্ট । ওচৰ-চুবুৰীয়াৰ ভাষ্যৰ বিপৰীত ভাষ্য পৰিয়ালৰ সদস্যৰ । নৈশ আহাৰ গ্ৰহণ কৰাৰ পাছত ফোনত কথা পাতি ঘৰৰ পৰা ওলাই যোৱাৰ কথা উল্লেখ কৰে পৰিয়াৰ লোকে । তাৰ পাছৰ পৰাই মহিলাগৰাকীৰ কোনো সম্ভেদ পোৱা নাছিল পৰিয়ালৰ লোকে ।
ঘটনাক লৈ সমগ্ৰ অঞ্চল সৃষ্টি হৈছে তীব্ৰ চাঞ্চল্য । আৰক্ষীয়ে আৰম্ভ কৰিছে তদন্ত পক্ৰিয়া । আৰক্ষীৰ তদন্তৰ পাছতহে পোহৰলৈ আহিব ঘটনাৰ প্ৰকৃত ৰহস্য ।
লগতে পঢ়ক: তেজপুৰত উদ্ধাৰ 8 টাকৈ শিশু শ্ৰমিক
