যোৰহাট, 26 ফেব্ৰুৱাৰী : শুকুৰবাৰে অসমত উপস্থিত হ’ল দেশৰ প্ৰথমগৰাকী নাগৰিক (Ram Nath Kovind Assam Visit) ৷ দেশৰ প্ৰথমগৰাকী নাগৰিক অৰ্থাৎ ভাৰতৰ ৰাষ্ট্ৰপতি ৰাম নাথ কোবিন্দক আদৰিবলৈ ব্যস্ত হৈ পৰিল অসম চৰকাৰ ৷ কিন্তু তাৰ মাজতে দেখিবলৈ পোৱা গৈছে বহু বিশৃংখল পৰিস্থিতিৰ ৷ ফলত বিশেষকৈ হাহাকাৰ লাগিছে বাহনেৰে যাত্ৰা কৰা উজনি নামনিৰ যাত্ৰীসকলৰ ৷
শনিবাৰে কাজিৰঙাৰ মাজেৰে বন্ধ কৰি দিয়া হৈছে সকলো গাড়ীৰ চলাচল (Communication cut off due to presidents arrival)। ৰাষ্ট্ৰপতিৰ আগমনৰ বাবেই উজনি-নামনিৰ সংযোগ বিচ্ছিন্ন হৈ পৰিছে । ফলত কাজিৰঙাৰ মাজেৰে যাত্ৰা কৰিব লগা বাহনসমূহ বিভিন্ন স্থানত হৈ পৰিছে আৱদ্ধ । জানিব পৰা মতে, উজনিৰ যোৰহাটতে ৰখাই দিয়া হৈছে নামনিমুৱা যান-বাহনসমূহ ।
এনে অৱস্থাত যোৰহাটৰ আই এচ বি টিত সৃষ্টি হৈছে এক অৰাজক পৰিস্থিতিৰ ৷ ফলত এতিয়া যাত্ৰীৰ মাজতো লাগিছে হাহাকাৰ । যাতায়ত ব্যৱস্থা বন্ধ হৈ পৰাত ক্ষুব্ধ হৈ পৰিছে যাত্ৰীসকল ৷
কিয়নো কোনো আগ জাননি নিদিয়াকৈ অকস্মাৎ বন্ধ কৰি দিয়া হৈছে নামনিমুৱা গাড়ীসমূহ ৷ ফলত ডিব্ৰুগড়, তিনিচুকীয়াৰ পৰা অহা যাত্ৰী আবদ্ধ হৈছে যোৰহাটৰ আই এচ বি টিত ৷ ইফালে পৰিবহণ নিগমৰ বিষয়াইও নাজানে যানবাহন পুনৰ কেতিয়ালৈ চলিব ৷ তেওঁলোকৰ হাততো নাই কোনো সঠিক তথ্য ৷
লগতে পঢ়ক : Ram Nath Kovind Assam Visit: ৰাষ্ট্ৰপতিৰ কনভয়ৰ খুন্দাত নিহত এজন
