যোৰহাট, 15 জুনঃ যি সময়ত উচ্চতম ন্যায়ালয়ৰ প্ৰত্যক্ষ পৃষ্ঠপোষকতাত এখন শুদ্ধ নাগৰিকপঞ্জী প্ৰস্তুত কৰাৰ প্ৰক্ৰিয়া চলি আছে, সেই সময়তে এচাম দুষ্ট চক্ৰই বিভিন্ন জালিয়াতিৰে ভোটাৰ তালিকাত নাম অন্তৰ্ভূক্ত কৰা পৰিলক্ষিত হৈছে৷ ইয়াৰ শেহতীয়া প্ৰতিফলন ঘটিল যোৰহাট জিলাত ৷ শেহতীয়াকৈ বিদেশী নাগৰিকে ভোটাৰ তালিকাত নামভৰ্তি কৰি ভোটদান কৰাৰ ঘটনা পোহৰলৈ আহিছে যোৰহাটত ৷
বীৰ লাচিত সেনাৰ গুৰুতৰ অভিযোগ আফগানিস্তানৰ পৰা পাৰপত্ৰ লৈ ভাৰতলৈ আহি যোৰহাটত অবৈধ ব্যৱসায় চলাই থকা জলট খান,ৰহমত উল্লা খান আৰু তেওঁৰ পত্নী চাবেৰা খানে যোৰহাট নগৰৰ ৬ নং ৱাৰ্ডৰ ৩৬ নম্বৰ ঘৰৰ বিপৰীতে ভোটাৰ তালিকাত ৭৫৬ নম্বৰত নিজৰ নাম অন্তৰ্ভূক্ত কৰি ভোট দান কৰি আহিছে ৷ আনহাতে ৰহমত উল্লা খান আৰু তেওঁৰ পত্নীয়ে ২৪৩ নং ঘৰৰ বিপৰীতে ভোটাৰ তালিকাত ২৪৩ আৰু ২৪৬ নম্বৰত নিজৰ নাম সন্নিবিষ্ট কৰিছে । কি দৰে আফগানিস্তানৰ পৰা অহা লোকে ভোটাধিকাৰ পাবলৈ সক্ষম হ'ল তাৰ এক উচিত তদন্ত ঘোষণা কৰাৰ দাবী তুলিছে বীৰ লাচিত সেনাই ৷
লগতে পঢ়কঃ বাক্সাৰ ভাৰত ভূটান সীমান্তত নিজৰাৰ লেতেৰা পানী খায় ৰাইজে!!
