ৰাজ্যৰ আগশাৰীৰ বৌদ্ধিক আলোচনীৰ বিৰুদ্ধে এজাহাৰ যোৰহাট সন্মিলিত নাগৰিক মঞ্চৰ

গুৱাহাটীৰ পৰা প্ৰকাশিত অসমীয়া পষেকীয়া আলোচনী খনৰ 2019 বৰ্ষৰ চলিত মাহৰ দ্বিতীয়টো পষেকৰ সংখাত ডঃ বিকাশ বৰুৱাৰ এটা লেখাক লৈ সৰৱ হৈ পৰিছে যোৰহাটৰ সন্মিলিত নাগৰিক মঞ্চ ৷ ডঃ বৰুৱাৰ লেখনিটোত চাহ জনগোষ্ঠীয় লোক সকলক অশ্লীল, অশোভনীয়, অপমানজনক বহু অভিধাৰে তেওঁলোকৰ আত্মসন্মানত তীব্ৰ আঘাত সনাৰ গুৰুত্ব অভিযোগ যোৰহাট নাগৰিক মঞ্চৰ ৷

যোৰহাট, 5 অক্টোবৰ: বহুল প্ৰচাৰিত অসমৰ এখন আগশাৰী বৌদ্ধিক আলোচনী আৰু ডঃ বিকাশ বৰুৱাৰ বিৰুদ্ধে আৰক্ষীৰ কাষ চাপিল যোৰহাট সন্মিলিত নাগৰিক মঞ্চ ৷ গুৱাহাটীৰ পৰা প্ৰকাশিত অসমীয়া পষেকীয়া আলোচনী খনৰ 2019 বৰ্ষৰ চলিত মাহৰ দ্বিতীয়টো পষেকৰ সংখাত ডঃ বিকাশ বৰুৱাৰ এটা লেখাক লৈ সৰৱ হৈ পৰিছে যোৰহাটৰ সন্মিলিত নাগৰিক মঞ্চ ৷

ডঃ বৰুৱাৰ লেখনিটোত চাহ জনগোষ্ঠীয় লোক সকলক অশ্লীল, অশোভনীয়, অপমানজনক বহু অভিধাৰে তেওঁলোকৰ আত্মসন্মানত তীব্ৰ আঘাত সনাৰ গুৰুত্ব অভিযোগ যোৰহাট নাগৰিক মঞ্চৰ ৷ ইতিমধ্যে, যোৰহাট নাগৰিক মঞ্চই যোৰহাট আৰক্ষী থানাত এজাহাৰ দাখিল কৰিছে আলোচনীখনৰ লগতে লেখক বিকাশ বৰুৱাৰ বিৰুদ্ধে ৷ উল্লেখ্য যে, বৃহত্তৰ অসমীয়া জাতীয় জীৱনৰ অবিচ্ছেদ্য অংগ চাহ জনগোষ্ঠীকলৈ এনেকুৱা ধৰনৰ লেখাই অসমৰ পৰিৱেশ বিনষ্ট কৰাৰ লগতে বিষবাষ্প বিয়পাব পাৰে বুলি মতপোষন কৰে সংগঠনটোৰ নেতৃবৰ্গই ৷ লগতে বিষয় সন্দৰ্ভত যোৰহাট আৰক্ষীয়ে গোচৰ ৰুজু কৰিছে বুলি প্ৰকাশ কৰে সংগঠনটোৰ অন্যতম তথা যোৰহাট মহাবিদ্যালয়ৰ অধ্যক্ষ দেবব্ৰত শৰ্মাই ৷