যোৰহাট,১০আগষ্ট: নিৰ্বাচনৰ সময়ত বিজেপি দলে দিয়া ইছ্যু সমূহৰ এটা মূল প্ৰতিশ্ৰুতি আছিল বিদ্যুতৰ যোগান নিয়মীয়া কৰা । ২৪ ঘণ্টাই বিদ্যুৎ যোগানেৰে উজ্বলাই তুলাৰ আশ্বাস এতিয়া হৈ পৰিল অসাৰ । ২৪ ঘণ্টাতো বাবেই দিনটোত একে লেঠাৰিয়ে ৪ঘণ্টাও নাথাকে বিদ্যুতৰ যোগান । বিদ্যুতৰ এনে লুকা ভাকুত অতিস্থ হৈ অৱশেষত শক্তি বিভাগৰ বিৰুদ্ধে সৰৱ হৈ ওলাই আহিল সদৌ অসম ছাত্ৰ সন্থাৰ যোৰহাট জিলা সমিতি ।
সোমবাৰে ছাত্ৰ সন্থাৰ যোৰহাট জিলা সমিতিয়ে বিদ্যুৎ বিভাগৰ কায্যালয়ৰ সন্মুখত ৰাজ্যৰ মুখ্যমন্ত্ৰীৰ প্ৰতিকৃতি দাহ কৰাৰ লগতে সাব্যস্ত কৰিলে প্ৰতিবাদ ।
শক্তি বিভাগৰ এনে বিফলতাক গৰিহনা দি প্ৰতিবাদী ছাত্ৰ সকলে বিভাগটোক দিলে সকীয়নি । অতি শীঘ্ৰেই বিদ্যুতৰ যোগান নিয়মীয়া নকৰিলে প্ৰতিবাদ অধিক তীব্ৰতৰ কৰাৰো দিলে হুংকাৰ । প্ৰতিবাদৰ অন্তত ছাত্ৰ সন্থাৰ প্ৰতিবাদী দলটোৱে বিদ্যুৎ যোগান নিয়মীয়াকৰণৰ দাবী সম্বলিত এখন স্মাৰক পত্ৰ প্ৰদান কৰিলে বিভাগটোৰ জিলা সংমণ্ডল বিষয়া গৰাকীক ।
