হোজাই,10 জুনঃ লংকাত সোমবাৰে পুৱাই এটা ঘৰচীয়া উন্মত্ত ম'হে সৃষ্টি কৰে তীব্ৰ আতংকৰ । লংকাৰ সমীপৱৰ্তী উদালীত ম'হটোৰ আক্ৰমণত থিতাতে নিহত হয় ৭০ বছৰীয়া সোনাবান বিবি নামৰ এগৰাকী মহিলা ৷ উদালীৰ জুঠাংবস্তিৰ হিফজুৰ ৰহমান নামৰ লোকজনৰ ঘৰচীয়া মট'হটোৱে সোমবাৰে পুৱাই বান্ধি থোৱা অৱস্থাৰ পৰা ৰচী চিঙি আহি উন্মাদ হৈ পৰে ৷ তাৰ পিচতেই উন্মাদ ম'হটোৱে ঘৰৰ ভিতৰলৈকো চোঁচা লৈ সৃষ্টি কৰিছে আতংকৰ । ম'হটোৰ আক্ৰমণত ইতিমধ্যে আহত হয় কেইবাজনো লোক ৷ ইয়াৰে চমৰুণ নেচা নামৰ মহিলাগৰাকীক নগাঁৱৰ ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰাৰ বিপৰীতে ফইজুৰ ৰহমান নামৰ লোকজনক লংকা প্ৰাথমিক চিকিৎসালয়লৈ প্ৰেৰণ কৰা হয়।
উন্মুক্ত মহৰ আক্ৰমণত নিহত মহিলা, আহত দুজন
