হোজাই, 29 ডিচেম্বৰ: হোজাইৰ ভাৰতীয় খাদ্য নিগমৰ কাৰ্যালয়ত পোহৰলৈ আহিছে ব্যাপক বিসংগতি ৷ এই বিসংগতি পোহৰলৈ অহাৰ পাছতে কাৰ্যালয়টোত সৃষ্টি হয় উত্তপ্ত পৰিস্থিতিৰ ৷ উল্লেখ্য যে পোহৰলৈ আহিছে কাৰ্যলয়টোত দীৰ্ঘদিনৰ পৰা চলি অহা ওজনৰ খেলি মেলি ৷ অভিযোগ অনুসৰি কাৰ্যলয়টোত চাউল ভৰ্তি গাড়ী বোৰ ওজন কৰাৰ পিছত অইন ঠাইত ওজন কৰিলে প্ৰায় 45/50 কেজি চাউল কম ওলাই ৷ আৰু এই ঘটনা পোহৰলৈ অহাৰ পাছতে চালক, মালিক আৰু সমবায়ৰ এজেন্ট সকলে সৃষ্টি কৰে উত্তপ্ত পৰিস্থিতিৰ ৷
এই ঘটনাৰ পাছতে ক্ষোভিত লোক সকলে প্ৰবন্ধক দীপক কুমাৰৰ নেতৃত্বত গাড়ী বোৰত প্ৰকৃত ওজনতকৈ কমকৈ চাউল দিয়াৰ অভিযোগ উত্থাপন কৰি কাৰ্যালয়ৰ প্ৰৱেশ গেটত তলা ওলমাই সাব্যস্ত কৰে এক প্ৰতিবাদ ৷ এতিয়া প্ৰশ্ন হয় ওজনৰ নামত চলি থকা এই দুৰ্নীতিৰ বিৰুদ্ধে কিবা ব্যৱস্থা গ্ৰহণ কৰিবনে উদ্ধৰ্তম কৰ্তৃপক্ষই ৷ নে এনেদৰে ওজন কৰাৰ নামত কাৰ্যলয়টোত চলি থাকিব ব্যাপক কেলেংকাৰী ৷
