হোজাই, 3 ফেব্ৰুৱাৰী : হোজাইত 'স্বয়ম' আঁচনি ৰূপায়নৰ নামত ব্যাপক দুৰ্নীতি হোৱাৰ অভিযোগ উত্থাপন হৈছে ৷ বৰ্তমানৰ চৰকাৰে ৰাজ্যৰ শিক্ষিত নিবনুৱা সকলক আৰ্থিক অনুদান হিচাপে 'স্বয়ম' আঁচনিৰ অধিনত 50 হাজাৰ টকাকৈ দিয়া ব্যৱস্থা কৰিছিল ৷ ইতিমধ্যে 'স্বয়ম' আঁচনিৰ অধিনত প্ৰথম পৰ্যায়ত 30 হাজাৰ টকাকৈ দিয়াৰ ব্যৱস্থা কৰিছে চৰকাৰে ৷
কিন্তু পৰিতাপৰ বিষয় এই যে হোজাই জিলাৰ বহু সংখ্যক নিবনুৱা এই আঁচনিৰৰ পৰা বঞ্চিত হোৱাৰ বিপৰীতে এই আঁচনিৰ সুবিধা লাভ কৰিছে চৰকাৰী চাকৰিয়ালে ৷ হোজাই জিলাৰ একাংশ লোকৰ অভিযোগ অনুসৰি লংকা কাকী অঞ্চলৰ বহু শিক্ষিত নিবনুৱা 'স্বয়ম' আঁচনিৰ পৰা বঞ্চিত হ'ব লগা হৈছে ৷
সাংবাদিকক জানিবলৈ দিয়া অনুসৰি 'স্বয়ম' আঁচনিৰ তালিকাত সন্নিবিষ্ট হৈছে জয়শ্ৰী বৰুৱা নামৰ এগৰাকী চৰকাৰী চাকৰিয়ালৰ নাম । প্ৰাপ্ত তথ্য অনুসৰি জয়শ্ৰী বৰুৱাই ইতিমধ্যে অসম চৰকাৰৰ স্বাস্থ্য বিভাগত কৰ্মৰত ৷ কিন্তু জয়শ্ৰী বৰুৱাই 'স্বয়ম' আঁচনিৰ অধিনত লাভ কৰিছে অনুদান ৷
লগতে পঢ়ক: বঙাইগাঁৱত প্লাষ্টিকেৰে পথ নিৰ্মাণ
