হোজাই, 27 জুলাইঃ হোজাইৰ ঐতিহ্যমণ্ডিত জয়নগৰ মাদ্ৰাছাত চুৰিকাণ্ডক লৈ সৰৱ সচেতন মহল ৷ মাদ্ৰাছা পৰিচালনা সমিতিৰ গাফিলতিত চুৰিকাণ্ড সংঘটিত হোৱাৰ অভিযোগ ৷ মাদ্ৰাছাৰ সন্মুখতেই সংবাদমেল যোগে মাদ্ৰাছা পৰিচালনা সমিতিলৈ সন্দেহৰ আঙুলি দেখুৱাই একাংশ ৰাইজৰ ৷
উল্লেখ্য যে,হোজাই জিলাৰ জয়নগৰ মাদ্ৰাছাত কেইদিনমানপূৰ্বে সংঘটিত হৈছিল এক চাঞ্চল্যকৰ চুৰিকাণ্ড ৷ সেইনিশা মাদ্ৰাছাৰ সন্মুখত থকা দানপাত্ৰৰ বাকচ ভাঙি চোৰে লুট কৰি নিয়ে বৃহৎ পৰিমানৰ ধন ৷ উক্ত চুৰিকাণ্ড সংঘটিত হোৱাৰ পিছত মোৰাঝাৰ আৰক্ষীয়ে মাদ্ৰাছাখনত নৈশ পহৰাৰ দায়িত্বত থকা তিনিজনকৈ নিশা পহৰাদাৰক আটক কৰি জেললৈ প্ৰেৰণ কৰে ৷
আনহাতে,উক্ত চুৰিকাণ্ড এক পৰিকল্পিত চুৰিকাণ্ড বুলি সন্দেহ প্ৰকাশ কৰিছে স্থানীয় ৰাইজে ৷ মাদ্ৰাছাৰ সন্মুখত স্থানীয় ৰাইজে এখন সংবাদমেল যোগে মাদ্ৰাখনৰ পৰিচালনা সমিতিৰ দায়িত্বহীনতাৰ বাবে এই চুৰিকাণ্ড সংঘটিত হোৱা বুলি অভিযোগ কৰে ৷ স্থানীয় ৰাইজে মাদ্ৰাছা পৰিচালনা সমিতিৰ ওপৰতো সন্দেহ ব্যক্ত কৰে আৰু সংবাদমেলযোগে বিভিন্ন প্ৰশ্ন উত্থাপন কৰি মাদ্ৰাছা পৰিচালনা সমিতিক ইয়াৰ উত্তৰ ৰাজহুৱাকৈ দিবলৈ আহ্বান জনায় ৷
লগতে পঢ়ক- অখিল গগৈৰ মুক্তিৰ দাবীত ৰংঘৰৰ বাকৰিত কৃষক মুক্তিৰ প্ৰতিবাদ
