নতুন মন্ত্ৰী সভাৰ দীৰ্ঘায়ু কামনাৰে হোজাইত বন্তি প্ৰজ্বলন

সোমবাৰে নতুন মন্ত্ৰীসভাই শপত গ্ৰহণৰ পাচতে এক প্ৰকাৰ উৎসৱ মুখৰ পৰিৱেশে বিৰাজ কৰিছে সমষ্টিসমূহত ৷ হোজাই জিলাতো বিজেপি কৰ্মী সকলৰ মাজত দেখা পোৱা গ'ল ব্যাপক উচাহ ৷ 101 গছ বন্তি জ্বলাই নৱ নিৰ্বাচিত মুখ্যমন্ত্ৰী ড৹ হিমন্ত বিশ্ব শৰ্মাৰ লগতে নতুন মন্ত্ৰী সভাৰ দীৰ্ঘায়ু কামনা কৰে ৷

হোজাই, 11 মে': ৰাজ্যত পুনৰ বিজেপি চৰকাৰ গঠন হোৱাত স্বাভাৱিকতে উৎফুল্লিত হৈ পৰিছে বিজেপিৰ কৰ্মকৰ্তাসকলৰ লগতে ৰাজ্যবাসী ৷ সোমবাৰে নতুন মন্ত্ৰীসভাই শপত গ্ৰহণৰ পাচতে এক প্ৰকাৰ উৎসৱ মুখৰ পৰিৱেশে বিৰাজ কৰিছে সমষ্টিসমূহত ৷ আন আন সমষ্টি সমূহৰ দৰে হোজাই জিলাতো বিজেপি কৰ্মী সকলৰ মাজত দেখা পোৱা গ'ল ব্যাপক উচাহ ৷

কৰ্মী সকলে লংকা তিনিআলী শিৱমন্দিৰত সন্ধিয়া বন্তি প্ৰজ্বলন কৰে ৷ 101 গছ বন্তি জ্বলাই নৱ নিৰ্বাচিত মুখ্যমন্ত্ৰী ড৹ হিমন্ত বিশ্ব শৰ্মাৰ লগতে নতুন মন্ত্ৰী সভাৰ দীৰ্ঘায়ু কামনা কৰে ৷ সম্পূৰ্ণ ক'ভিড প্ৰট'কল মানি এই বন্তি প্ৰজ্বলন কাৰ্যসূচী অনুষ্ঠিত কৰে কৰ্মীসকলে ৷

লগতে পঢ়ক: মৰিগাঁৱৰ বিধায়কক মন্ত্ৰীত্ব প্ৰদানৰ দাবীত সংবাদ মেল