লংকাত উদ্ধাৰ মৰিগাঁৱৰ অপহৃত শিশু

পাৰিবাৰিক কণ্ডলৰ বাবে কমৰুল ইছলাম নামৰ এজন লোকে নাচিফ ৰাইচাক অপহৰণ কৰাৰ অভিযোগ উত্থাপিত হৈছে ৷ পৰৱৰ্তী সময়ত গোপন সূত্ৰৰ পম খেদি আৰক্ষীয়ে শিশুটিক উদ্ধাৰ কৰে ৷

হোজাই, 8 জানুৱাৰীঃ বুধবাৰে হোজাই জিলাৰ লংকাত মৰিগাঁৱৰ পৰা অপহৃত এটি 6 বছৰীয়া শিশু উদ্ধাৰ হয় ৷ পাৰিবাৰিক বিবাদৰ বাবে কমৰুল ইছলাম নামৰ লোকজনে শিশুটিক অপহৰণ কৰাৰ অভিযোগ উত্থাপিত কৰিছে শিশুটিৰ পৰিয়ালৰ লোকে ৷

অভিযোগ অনুসৰি নাচিফ ৰাইচা নামৰ শিশুটিয়ে নিজ ঘৰত সমনীয়াৰ সৈতে খেলি থকা অৱস্থাত লংকাৰ উদালীৰ কমৰুল ইছলাম নামৰ লোকজনে শিশুটিক অপহৰণ কৰি লংকাৰ বামুনগাঁৱত আত্মগোপন কৰি ৰাখিছিল ৷ পাৰিবাৰিক বিবাদৰ বাবে কমৰুল ইছলামে শিশুটিক অপহৰণ কৰাৰ অভিযোগ উত্থাপিত কৰে শিশুটিৰ পৰিয়ালৰ লোকে ৷ তেনে সময়তে আৰক্ষীয়ে গোপন সূত্ৰৰ পম খেদি হোজাই জিলাৰ লংকাৰ পৰা শিশুটিক উদ্ধাৰ কৰে ৷ ইপিনে অপহৃত শিশুটি আৰক্ষীয়ে উদ্ধাৰ কৰে যদিও বৰ্তমানেও পলাতক অৱস্থাত আছে অভিযুক্ত কমৰুল ৷ আৰক্ষীয়ে এই সন্দৰ্ভত তদন্ত অব্যাহত ৰাখিছে ৷

লগতে পঢ়ক - নৰেন্দ্ৰ মোডী আৰু অমিত শ্বাহে অসমীয়া জাতিক কবৰ দিবলৈ উঠি পৰি লাগিছে !