হোজাইত প্ৰয়াত সাংবাদিক পৰাগ ভূঞাৰ মৃত্যুত বন্তি প্ৰজ্বলন

কংগ্ৰেছ কৰ্মী সকলে প্ৰয়াত পৰাগ ভূঞাৰ মৃত্যুক এক পৰিকল্পিত হত্যাকাণ্ডৰ অভিযোগ তুলি ঘটনা সন্দৰ্ভত এক উচ্চ পৰ্যায়ৰ তদন্তৰ দাবী জনায় ৷ ইয়াৰ লগতে সাংবাদিক সকলৰ সুৰক্ষা প্ৰদানৰ বাবেও চৰকাৰক আহ্বান জনাই যুৱ কংগ্ৰেছৰ কৰ্মীসকলে ৷ ইতিমধ্যে মুখ্যমন্ত্ৰী সৰ্বানন্দ সোণোৱালে ভূঞাৰ মৃত্যুৰ ঘটনাৰ তদন্তৰ বাবে CIDক দায়িত্ব অৰ্পণ কৰিছে ৷

হোজাই,12নৱেম্বৰঃ তিনিচুকীয়াৰ জ্যেষ্ঠ সাংবাদিক পৰাগ ভূঞাৰ আত্মাৰ সদগতিৰ কামনাৰে ৰাজ্যৰ বিভিন্ন প্ৰান্তৰ লগতে হোজাইতো বন্তি প্ৰজ্বলন কাৰ্যসূচী ৰূপায়ণ কৰে ৷ লামডিং যুৱ কংগ্ৰেছৰ উদ্যোগত হোজাইৰ নখুটীত আয়োজিত এই অনুষ্ঠানত উপস্থিত থাকে বহু সংখ্যক কংগ্ৰেছ কৰ্মী ৷ কংগ্ৰেছ কৰ্মী সকলে প্ৰয়াত পৰাগ ভূঞাৰ মৃত্যুক এক পৰিকল্পিত হত্যাকাণ্ডৰ অভিযোগ তুলি ঘটনা সন্দৰ্ভত এক উচ্চ পৰ্যায়ৰ তদন্তৰ দাবী জনায় ৷ইয়াৰ লগতে সাংবাদিক সকলৰ সুৰক্ষা প্ৰদানৰ বাবেও চৰকাৰক আহ্বান জনাই যুৱ কংগ্ৰেছৰ কৰ্মীসকলে ৷