হোজাইত অস্ত্ৰধাৰী দুৰ্বৃত্তই লুটি নিলে ১৬ হাজাৰ টকা

দুজন অচিনাক্ত ব্যক্তিয়ে ইছলাম বস্তিৰ পৰা সহায় বিচাৰি উঠি আহিছিল নিমাই নন্দী নামৰ ব্যক্তিজনৰ গাড়ীত । ৫৪নং ৰাষ্ট্ৰীয় ঘাইপথৰ ভালুকমাৰী আৰু জোৰাপুখুৰী পাওঁতেই দুই দুৰ্বৃত্তই অস্ত্ৰ দেখুৱাই লুটি নিলে ১৬ হাজাৰ নগদ ধনসহ গাড়ীৰ নথিপত্ৰ ।

হোজাই, ২৫ জুন: মঙলবাৰে হোজাই জিলা ভালুকমাৰীত দিন ডকাইতিৰ ঘটনা । দুজন ব্যক্তিয়ে লংকাৰ ইছলাম বস্তিৰ পৰা সহায় বিচাৰি উঠি আহিছিল নিমাই নন্দী নামৰ ব্যক্তিজনৰ মিনি টাটা মোবাইল গাড়ীত উঠি আহিছিল । পিছে সহায় কৰিবলৈ গৈ বিপদতহে পৰিলগৈ নিমাই নন্দী । ৫৪নং ৰাষ্ট্ৰীয় ঘাই পথৰ ভালুকমাৰী আৰু জোৰাপুখুৰী আহি পাওঁতেই ঘটিল অঘটনটো। সহায় বিচৰাৰ অজুহাতেৰে দুই দুৰ্বৃত্তই পিষ্টল দেখুৱাই নিমাই নন্দী নামৰ লোকজনৰ পৰা লুটি নিলে নগদ ১৬ হাজাৰ টকাৰ লগতে মোবাইল আৰু AS-02BC-3892 নম্বৰৰ গাড়ীখনৰ সকলো নথিপত্ৰ |