হোজাই বন বিভাগৰ কাৰ্যালয়ত সুৰাৰ আড্ডা

দীৰ্ঘদিন ধৰি কাকী বন বিভাগৰ চকুৰ সন্মুখেৰে দৈনিক চালান বিহীনভাৱে বালিৰ লগতে শিল কঢ়িওৱা গাড়ী অহা যোৱা কৰাৰ অভিযোগ উত্থাপন কৰে একাংশ স্থানীয় সচেতন ৰাইজে

হোজাই, 27 নৱেম্বৰঃ হোজাই জিলাৰ কাকী বন বিভাগৰ কাৰ্যালয়ত সুৰাৰ আড্ডা ৷ বন বিভাগটোৰ খণ্ড বন বিষয়া মনোজ শৰ্মাৰ সহযোগত বন কাৰ্যালয়ত সুৰাৰ আড্ডা চলাৰ অভিযোগ উত্থাপন ৷ উল্লেখ্য যে, দীৰ্ঘদিন ধৰি কাকী বন বিভাগৰ চকুৰ সন্মুখেৰে দৈনিক চালান বিহীনভাৱে বালিৰ লগতে শিল কঢ়িওৱা গাড়ী অহা যোৱা কৰাৰ অভিযোগ উত্থাপন কৰে একাংশ স্থানীয় সচেতন ৰাইজে ৷ কিন্তু তথাপিও অবৈধভাৱে শিল কঢ়িওৱা গাড়ী সমূহৰ বিৰুদ্ধে কোনো ধৰণৰ ব্যৱস্থা গ্ৰহণ নকৰে বন বিভাগে ৷ তাৰোপৰি কাকী বন বিভাগৰ কাৰ্যালয়ৰ খণ্ড বন বিষয়া মনোজ শৰ্মাৰ সৈতে অবৈধ শিল ,বালি ব্যবসায়ীয়ে নিশা দুপৰলৈ বন কাৰ্যালয়ত সুৰাৰ আড্ডা চলাই বুলিও অভিযোগ কৰে সচেতন নাগৰিকসকলে ৷

লগতে পঢ়কঃ কৰিমগঞ্জত ভয়াৱহ অগ্নিকাণ্ডঃ ভষ্মীভূত চাৰিটা ব্যৱসায়িক প্ৰতিষ্ঠান