হোজাই, 13 ছেপ্তেম্বৰ : অনলাইম প্ৰেম কৰি হোজাইত ৰাইজৰ ৰোষত পৰিল এজন স্বয়ম্ভু প্ৰেমিক ৷ হোজাই জিলাৰ নখুটী 2 নং খাগৰিজানত সংঘটিত হৈছে এই ঘটনা ৷
তথ্য অনুসৰি, খাগৰিজানৰ যুৱতী এগৰাকীৰ লগত কিছুদিনৰ পৰা ফোন নম্বৰত চিনাকী হৈ কথা পাতি বিয়া কৰোৱাৰ লক্ষ্যৰে যুৱতীগৰাকীক পলুৱাই নিবলৈ আহিছিল মোৰাঝাৰৰ নৱাইবিল গাঁৱৰ ৰমিজ উদ্দিন নামৰ লোকজনে ৷ পৰৱৰ্তী সময়ত যুৱতীগৰাকীয়ে লোকজনৰ লগত যাবলৈ অমান্তি হোৱাত ৰমিজ উদ্দিন নামৰ লোকজনে যুৱতীগৰাকীৰ লগত অপকৰ্ম কৰিব বিচৰাৰ অভিযোগ উত্থাপন হৈছে ৷
ইফালে, যুৱতীগৰাকী আৰু ৰমিজ উদ্দিনৰ লগত কথাত তৰ্কাতৰ্কি হোৱাত স্থানীয় লোক আৰু যুৱতীগৰাকীৰ পৰিয়ালৰ লোকে লোকজনক আৱদ্ধ কৰি নখুটী আৰক্ষীক গতাই দিয়ে ৷
উল্লেখ্য যে, ভণ্ড প্ৰেমিক ৰমিজ উদ্দিনৰ বিৰুদ্ধে পূৰ্বৰ পৰাই আছিল বহুতো অভিযোগ ৷ ইয়াৰ পূৰ্বেও ৰমিজ উদ্দিনে 7 সাত গৰাকী যুৱতীক বিয়া কৰাই বৰ্তমান 4 গৰাকী যুৱতীক নিজৰ লগত ৰখা বুলি জানিব পৰা গৈছে ৷
লগতে পঢ়ক : কৰ’ণামুক্ত হোৱাৰ এসপ্তাহ পাছতে পুনৰ এইমছত ভৰ্তি গৃহমন্ত্ৰী অমিত শ্বাহ
