হোজাই,১১জুনঃ হোজাই জিলাৰ ডবকা পথাৰ গাঁৱৰ হিলাল উদ্দীন বৰভূঞা নামৰ ব্যৱসায়ী জনক এটি অখ্যাত সংগঠনৰ বন্দুকৰ গুলীসহ ছয় লাখ টকা ধন দাবী পত্ৰ প্ৰেৰণ । জানিব পৰা মতে, হিলাল উদ্দীন বৰভূঁঞা ঘৰত কোনোবাই দুৱাৰৰ ফাঁকেৰে এখন চিঠি পেলাই থৈ যায় । পাছত হিলালৰ পত্নীয়ে খামটোত উদ্ধাৰ কৰে দহ টকীয়া এখন দলিলত লিখা চিঠি আৰু দুটা থ্ৰী নট থ্ৰী ৰাইফলৰ গুলীৰ সৈতে এখন ধনদাবী পত্ৰ । ধন নিদিলে অপহৰণ, হত্যাৰ ভাবুকি অখ্যাত সংগঠনটোৰ । ইয়াকে লৈ এতিয়া অঞ্চলটোত প্ৰতিক্ৰিয়াৰ সৃষ্টি হৈছে।
ব্যৱসায়ীক বন্দুকৰ গুলীসহ ধন দাবী পত্ৰ প্ৰেৰণেৰে ভাবুকি অখ্যাত সংগঠনৰ
ডবকা থানাত ভীতিগ্ৰস্থ ব্যৱসায়ীজনে এজাহাৰ দাখিল কৰিছে । ডবকা আৰক্ষীয়ে এই পৰ্যন্ত তদন্ত অব্যাহত ৰাখিছে যদিও এতিয়াও কোনো লোকক আটক কৰিবলৈ সক্ষম হোৱা নাই ।
