হোজাই,16 মাৰ্চ: মঙলবাৰে হোজাইৰ পিপুল পুখুৰীত উপস্থিত হয় কংগ্ৰেছী বিধায়ক ৰকিবুল হুছেইন । লামডিং সমষ্টিৰ কংগ্ৰেছ দলৰ প্ৰাৰ্থী স্বপন কৰৰ হৈ নিৰ্বাচনী প্ৰচাৰৰ বাবে উপস্থিত হয় বিধায়কগৰাকী ।
লামডিং সমষ্টিত এইবাৰ খেলা হবে আৰু অসমত এইবাৰ কংগ্ৰেছে ১০১ আসন দখল কৰিব বুলি দাবী কৰে কংগ্ৰেছী বিধায়ক গৰাকীয়ে । হোজাই জিলাৰ তিনিওটা সমষ্টিত এইবাৰ কংগ্ৰেছ আৰু মিত্ৰজোঁট দখল কৰিব বুলি মন্তব্য কৰে বিধায়ক ৰকিবুল হুছেইনে ।
হুছেইনে এই নিৰ্বাচনী সভাৰ পৰাই বন্ধু হিমন্তক কৰিলে কটাক্ষ ৷ ৰকিবুল হুছেইনে বন্ধু হিমন্তক গুৱাহাটীৰ পৰা চাইকেল চলাই আহি ৰেলী কৰিব লাগে, ৰাইজৰ পইচাৰে হেলিকপ্তাৰত আহি চাইকেল চলাই লাভ নাই বুলি মন্তব্য কৰে । হাতীৰ দেখুওৱা দাঁত এটা আৰু খোৱা দাঁত আৰু এটা, ঠিক তেনেদৰে তেওঁ দেখুওৱা দাঁত চাইকেল আৰু খোৱা দাঁত হেলিকপ্তাৰ বুলি হিমন্ত বিশ্ব শৰ্মাক কটাক্ষ কৰে একালৰ বন্ধু-সতীৰ্থ ৰকিবুল হুছেইনে ৷
লগতে পঢ়ক: ধিঙত তীব্ৰতৰ হৈছে আমিনুল-মেহবুবৰ নিৰ্বাচনী আক্ৰোশ
